ءماجىلىس ءبىلىم بەرۋ جۇيەسىن قارجىلاندىرۋ مەن باسقارۋ وكىلەتتىكتەرىن اۋداندىق دەڭگەيگە بەرۋدى كوزدەيتىن زاڭ جوباسىن ماقۇلداپ، قۇجاتتى سەناتقا جولدادى. الايدا بۇل باستاماعا دەپۋتات اسحات ايماعامبەتوۆ قارسى پىكىر ءبىلدىردى، دەپ حابارلايدى «ادىرنا» ءتىلشىسى.
ايتۋىنشا، مەكتەپتەر مەن بالاباقشالاردى باسقارۋ، كادرلىق ساياسات، ادىستەمەلىك جۇمىستار جانە ءبىلىم ساپاسىنا قاتىستى وكىلەتتىكتەردىڭ اۋدان اكىمدىكتەرىنە بەرىلۋى جۇيەنىڭ تيىمدىلىگىنە تەرىس اسەر ەتۋى مۇمكىن.
دەپۋتات بۇل ماسەلە ماجىلىستە بىرنەشە رەت تالقىلانعانىن، الايدا ساراپشىلار مەن قارسى پىكىر ايتقان تاراپتاردىڭ ۋاجدەرى ەسكەرىلمەگەنىن ايتتى. ونىڭ پىكىرىنشە، قابىلدانعان شەشىم ەلدەگى 4 ميلليونعا جۋىق وقۋشىنىڭ ءبىلىم الۋ ساپاسىنا تىكەلەي ىقپال ەتۋى ىقتيمال.
ء«بىلىم بەرۋ سالاسىنا بايلانىستى ەڭ ءتيىمسىز ءارى ەڭ قيسىنسىز شەشىمدەردىڭ ءبىرى قابىلداندى. سەناتتان كەتكەن زاڭ جوباسىن ءبىز بىرنەشە رەت تالقىلادىق. كادىمگىدەي پىكىرتالاس بولدى. بىراق سول كەزدەگى پىكىرتالاستا ايتىلعان ارگۋمەنتتەردى ەسكەرمەي، ساراپشىلاردىڭ ايتقانىن تىڭداماي، ءۇن-ءتۇنسىز 4 ملن بالانىڭ تاعدىرىنا نەگاتيۆتى تۇردە تىكەلەي اسەر ەتەتىن ءتيىمسىز شەشىم قابىلداندى. ول – ەكتەپتەردى، بالاباقشالاردى، سونداعى بارلىق ساياساتتى وبلىس اكىمدەرىنىڭ قۇزىرەتتىلىگىنەن الىپ، اۋداندىق اكىمدەرگە بەرۋ. اۋدان اكىمدەرىنە ءبىلىم بولىمدەرى مەن مەكتەپ ديرەكتورلارىن تاعايىنداۋ، روتاتسيا جانە ادىستەمە ماسەلەسىن، ءبىلىم بەرۋ ساپاسى شارۋاسىن الدى دا، اۋدان اكىمدىكتەرىنە بەرە سالدى. ءبىز سوندا وبلىس اكىمدىگىنە سەنبەيمىز بە؟ ءبىلىم باسقارمالارىنا سەنبەيمىز بە؟ بىزگە 20 بيۋدجەتتى قاداعالاۋ وڭاي ما، الدە 200-دەن اسا بيۋدجەتتى قاداعالاۋ وڭاي ما؟»–دەدى ول.
بۇدان بولەك، دەپۋتات مۇعالىمدەردى جۇمىسقا قابىلداۋ كەزىندەگى اشىقتىق ماسەلەسى ۋشىعىپ، ءبىلىم بەرۋ ۇيىمدارىنا اكىمشىلىك ىقپالدىڭ كۇشەيۋ قاۋپى بار ەكەنىن ايتتى. ونىڭ سوزىنشە، بۇل بۇرىن سىنعا ۇشىراعان تاجىريبەلەردىڭ قايتا ورالۋىنا اكەلۋى مۇمكىن.
