وزبەكستاننىڭ ناۆوي وبلىسىندا اليمەنت تولەۋدەن جالتارعان ەر ادامنىڭ تاندىردىڭ ىشىنەن تابىلۋى جۇرتتىڭ نازارىن اۋداردى، دەپ حابارلايدى "ادىرنا" ءتىلشىسى Kun.uz باسىلىمىنا سىلتەپ.
مالىمەتكە سايكەس، ەر ادام ەكى جىل بويى اليمەنت تولەۋدەن جالتارىپ جۇرگەن. سونىڭ سالدارىنان ونىڭ بەرەشەگى 71 ميلليون سۋمعا (2,9 ميلليون تەڭگە) جەتكەن. بورىشكەردى ىزدەستىرۋ بارىسىندا ماجبۇرلەپ ورىنداتۋ بيۋروسىنىڭ قىزمەتكەرلەرى ونى اسحانالاردىڭ بىرىندەگى تاندىر پەشىنىڭ ىشىنەن تاپقان. ەر ادامنىڭ جاسىرىنعان ءساتى ۆيدەوعا ءتۇسىپ قالعان.
سوت شەشىمىمەن اليمەنت بويىنشا قارىزى بار ازامات 15 تاۋلىككە قاماۋعا الىندى.
ۇقساس جاڭالىقتار
