احمەت بايتۇرسىنۇلىنىڭ جيەنى ومىردەن وزدى

ۇلت ۇستازى احمەت بايتۇرسىنۇلىنىڭ جيەنى ايمان بايسالوۆا 91 جاسقا قاراعان شاعىندا ومىردەن وزدى، دەپ حابارلايدى «ادىرنا» ءتىلشىسى.

مارقۇمنىڭ جانازاسى بۇگىن، 11 ماۋسىمدا الماتىداعى دىنمۇحاممەد قوناەۆ اتىنداعى مەشىتتە شىعارىلادى.

ايمان قابيدەنقىزى 1936 جىلدىڭ 14 ناۋرىزىندا تۋعان. ول – احمەت بايتۇرسىنۇلى مەن بادريسافا باۋىرىنا سالعان شولپاننىڭ قىزى. قازىرگى احمەت بايتۇرسىنۇلى مۋزەي-ۇيىندە 1 جىل 7 ايىنا دەيىن ناعاشىسى اتاسى احمەت پەن اجەسى بادريسافا، ءوزىنىڭ اكە-شەشەسىمەن بىرگە تۇرعان.

ارنايى كاسىپتىك ۋچيليششەنى تىگىنشى ماماندىعى بويىنشا بىتىرگەن. مەديتسينا سالاسىندا زەرتحانالىق كۋرستان ءوتىپ، 37 جىل بويى زەرتحاناشى بولىپ جۇمىس ىستەگەن. 1993 جىلى زەينەتكەرلىك دەمالىسقا شىققان.

اتاسى احمەت بايتۇرسىنۇلىنىڭ شىعارمالارىن ناسيحاتتاۋعا ارنالعان رەسپۋبليكالىق، وبلىستىق، قالالىق جانە اۋداندىق دەڭگەيدەگى ءىس-شارالارعا قۇرمەتتى قوناق رەتىندە قاتىسىپ كەلگەن.

«ەڭبەك ارداگەرى» (1990) جانە «ۇلى وتان سوعىسىنداعى جەڭىستىڭ 70 جىلدىعى» (2015) مەرەكەلىك مەدالدارىمەن ماراپاتتالعان.