قىرعىزستان استاناسىندا IV بىشكەك حالىقارالىق كينوفەستيۆالى ءوتتى. بايقاۋ قورىتىندىسى بويىنشا قازاقستاندىق «Qaitadan» ءفيلمى «ۇزدىك فيلم» اتالىمىندا گران-پري يەلەندى.
فەستيۆال اياسىندا قازاقستان، قىرعىزستان، وزبەكستان، تاجىكستان جانە تۇرىكمەنستان كينوگەرلەرىنىڭ تۋىندىلارى ۇسىنىلعان ورتالىق ازيا بايقاۋى ۇيىمداستىرىلدى. بايقاۋ قورىتىندىسى بويىنشا قازاقستاندىق «Qaitadan» ءفيلمى «ۇزدىك فيلم» اتالىمىندا گران-پري يەلەندى.
«Qaitadan» سوڭعى جىلدارداعى ەڭ تابىستى قازاقستاندىق فيلمدەردىڭ بىرىنە اينالدى. وتكەن جىلى كارتينا نەبارى ءۇش اپتانىڭ ىشىندە پروكاتتا 1 ملرد تەڭگەدەن استام تابىس جيناپ، وتاندىق كينوپروكات كوشىن باستادى.
بۇعان دەيىن فيلم قازاقستانداعى كرەاتيۆتى يندۋستريالار سالاسىنداعى باستى ماراپات — STEPPE AWARDS سىيلىعىنىڭ «كينەماتوگرافيا» ساناتى بويىنشا دا جەڭىمپاز اتانعان بولاتىن.
ايتا كەتەيىك، جوبا 2023 جىلى پيتچينگ جەڭىمپازى اتانىپ، قازاقستان رەسپۋبليكاسى مادەنيەت جانە اقپارات مينيسترلىگىنىڭ قولداۋىمەن جۇزەگە اسىرىلدى.
