فۋتبولدان الەم چەمپيوناتىنىڭ توپتىق كەزەڭىندەگى D توبىنىڭ 1-تۋرىندا اقش پەن پاراگۆاي ۇلتتىق فۋتبول قۇراماسى كەزدەستى، دەپ حابارلايدى “ادىرنا” ۇلتتىق پورتالى.
ويىن 13 ماۋسىم كۇنى ءوتتى. اقش-تىڭ ينگلۆۋد قالاسىنداعى «سوۋ-فاي» ستاديونىندا بولعان.
كەزدەسۋ باستالىسىمەن-اق ەسەپ اشىلدى. 7-مينۋتتا پاراگۆايلىق جارتىلاي قورعاۋشى داميان بوباديليا ءوز قاقپاسىنا گول سوعىپ، امەريكالىقتارعا باسىمدىق سىيلادى.
31-مينۋتتا فولارين بالوگۋن ەسەپتى ەسەلەي ءتۇستى. ال العاشقى تايمنىڭ قوسىمشا ۋاقىتى — 45+5-مينۋتتا ول دۋبل اۆتورى اتانىپ، اقش قۇراماسىنىڭ ارتىقشىلىعىن ايقىن ەتتى. بۇعان دەيىن 29-مينۋتتا دا بالوگۋن گول سوققانىمەن، ول وفسايدقا بايلانىستى ەسەپكە الىنبادى.
ەكىنشى تايمدا پاراگۆايلىقتار ءبىر گولمەن جاۋاپ قايتاردى. ماۋريسيو قارسىلاس قاقپاسىن ءدال كوزدەدى. دەگەنمەن ويىن سوڭىندا دجوۆانني رەينا اقش قۇراماسىنىڭ ءتورتىنشى گولىن سوعىپ، ماتچتىڭ نۇكتەسىن قويدى.
قورىتىندى ەسەپ 4:1 بولدى.
2026 FIFA World Cup اياسىنداعى بۇل كەزدەسۋ ءتۋرنيردىڭ ەڭ ناتيجەلى ويىندارىنىڭ ءبىرى رەتىندە تىركەلدى.
كەلەسى ماتچ 14 ماۋسىم كۇنى استانا ۋاقىتىمەن 00:00-دە وتەدى. وندا قاتار ۇلتتىق فۋتبول قۇراماسى مەن شۆەيتساريا ۇلتتىق فۋتبول قۇراماسى كەزدەسەدى.
