رەسەيگە قاي ەلدەر سانكتسيا سالماقشى

4965
Adyrna.kz Telegram

ەۋرووداق تاراپىنان رەسەيگە قارسى سانكتسيا دايىندالىپ جاتىر. نەگىزگى سەبەپ - ناۆالنىيدىڭ قامالۋى جانە سەنبى كۇنگى باس كوتەرۋلەردى اياۋسىز باسىپ-جانىشتاۋ دەپ جازادى قۋانىش ەدىلحانتەگى ءوزىنىڭ پاراقشاسىندا.

سىرتقى ساياسي ماسەلەلەردى ءجىتى نازاردا ۇستايتىن اۆتور بۇل جولى رەسەيدەگى جاعدايعا قاتىستى ويىمەن ءبولىستى. «گەرمانيادا حدس پارتياسىنىڭ جاڭا باسشىسى تاراپىنان رەسەيگە قارسى سانكتسيالاردى جۇمسارتۋعا نەمەسە الىپ تاستاۋعا ەش سەبەپ جوق دەپ مالىمدەلگەنىن بۇعان دەيىن ايتقانبىز.

فرانتسيا ءسىم رف-عا قارسى وتە سالماقتى سانكتسيالار سالۋ كەرەك دەپ مالىمدەدى.

جاڭا سانكتسيالار تۋرالى لاتۆيا مەن ەستونيا مالىمدەمە جاسادى، ولار دا دۇرىسىراق سانكتسيالار سالىنۋىن قولدايدى.

يتاليا ءسىم دە سانكتسيا سالۋدى قولدادى. شەتەلگە شىعۋ، اكتيۆتەردى بۇعاتتاۋ تۋرالى بولۋى مۇمكىن دەپ سالىنعالى دايىندالىپ جاتقان سانكتسيالاردىڭ شەت-جاعاسىن ايتىپ ءوتتى.

سانكتسيانى قولدايتىندىعىن رۋمىنيا دا قۋاتتادى. وسىنداي جاڭالىقتاردان كەيىن ءرۋبلدىڭ قۇلدىراۋى ۇدەگەن.

كۇن وتكەن سايىن ترامپتىڭ قىلمىستارى اشىلىپ كەلەدى. ول اقش ادىلەت مينيسترلىگىنەن سايلاۋ قورىتىندىسىن وزگەرتۋدى تالاپ ەتكەنى بەلگىلى بولدى. وعان كەلىسپەگەندىكتەن ول ءام باسشىسىن جۇمىستان شىعارىپ ورنىنا ءوز ادامىن قويعىسى كەلگەن، الايدا مۇنى ەستىگەن ءام-ءنىڭ بۇكىل اپپارات قىزمەتكەرلەرى جاپپاي جۇمىستان شىعۋعا بەل بايلاعان. ترامپ امالسىز بۇل جوسپارىنان ۋاقىتشا باس تارتقان.

كاپيتوليدەگى شابۋىلعا بايلانىستى ەندى ترامپتىڭ بيزنەسىنە ايتارلىقتاي نۇقسان كەلۋى مۇمكىن ەكەن. سونداي-اق ونى داۆوس فورۋمىنا ەندى قاتىسپايتىنداي ەتىپ اككرەديتاتسياسىن الىپ تاستاعان. باسقا دا ەكونوميكالىق فورۋمدار ونى ءوز قاتارلارىنان شىعارىپ تاستاۋعا جۇمىستانىپ جاتقاندارى بەلگىلى بولدى».

«ادىرنا» ۇلتتىق پورتالى.

پىكىرلەر