بۇگىن، 17 ماۋسىمدا اقش پرەزيدەنتى دونالد ترامپ فرانتسيادا ءوتىپ جاتقان «ۇلكەن جەتىلىك» (G7) ءسامميتى اياسىنداعى جۇمىس وتىرىسىنا كەشىگىپ كەلدى، دەپ حابارلايدى «ادىرنا» ءتىلشىسى.
وتىرىس اقش اكىمشىلىگى باسشىسىنىڭ قاتىسۋىنسىز باستالعان. جەرگىلىكتى ۋاقىت بويىنشا 10:25-تە فرانتسيا پرەزيدەنتى ەممانۋەل ماكرون كەزدەسۋدى اشىپ، جينالعاندارعا «پرەزيدەنت ترامپ ءبىراز ۋاقىتتان كەيىن كەلەدى» دەپ حابارلاعان.
ترامپ زالعا كەيىنىرەك كىرگەن، ول كەزدە بارلىق باسقا كوشباسشىلار ءوز ورىندارىندا وتىرعان ەدى.
«بۇل جەردە مەن بوسسپىن»،—دەدى ورىندىققا قاراي بەت العان اقش پرەزيدەنتى ازىلدەپ.
سونىمەن قاتار ول بۇقارالىق اقپارات قۇرالدارىنىڭ وكىلدەرىنە كەزدەسۋدە قالۋدى ۇسىنعان.
«كەزدەسۋدە قالعىلارىڭىز كەلە مە؟ مەن قارسى ەمەسپىن»، - دەدى اق ءۇي باسشىسى.
الايدا فرانتسۋز تاراپىنىڭ وكىلدەرى جۋرناليستەردى جەدەل تۇردە زالدان شىعارىپ جىبەرگەن.
ترامپ بىلتىر "ۇلكەن جەتىلىك" وتىرىسىنان ەرتە كەتكەن ەدى. سول كەزدە يراندا 12 كۇندىك سوعىس ءورىس العان. سوندايدا اقش پرەزيدەنتى "بىزگە ءبىتىم قاجەت ەمەس، بىزگە دە ودان دا زورى كەرەك" دەگەنگە ساياتىن مالىمدەمە جاساعان. ال بيىل اقش يرانمەن 40 كۇندىك سوعىستان كەيىن الداعى بىرەر كۇندە كەلىسىمگە جاريا تۇردە قول قويماق.
