ماسكەۋگە ەكى جۇزگە جۋىق درون شابۋىلى جاسالدى، دەپ حابارلايدى "ادىرنا" ۇلتتىق پورتالى.
رەسەي قورعانىس مينيسترلىگىنىڭ مالىمەتىنشە، ەلدىڭ 17 وڭىرىندە بارلىعى 555 درون «ۇستالىپ، جويىلعان». ماسكەۋ قالاسىنىڭ مەرى سەرگەي سوبيانين تاڭعى ساعات 09:00-دەن كەيىن استانا اۋە كەڭىستىگىندە شامامەن 194 دروننىڭ اتىپ تۇسىرىلگەنىن حابارلادى. رەسەيدىڭ تاسس اگەنتتىگىنىڭ جازۋىنشا، بۇل سوڭعى ەكى جىلداعى ماسكەۋگە جاسالعان ەڭ ءىرى درون شابۋىلدارىنىڭ ءبىرى سانالادى.
شابۋىل سالدارىنان درون قالدىقتارى «سادوۆود» ساۋدا ورتالىعى اۋماعىنا قۇلاپ، عيماراتتاردىڭ بىرىنە ازداعان زاقىم كەلگەن. زارداپ شەككەندەر تۋرالى اقپارات جوق. سونداي-اق «مەگا بەلايا داچا» ساۋدا ورتالىعى عيماراتىندا ءورت شىعىپ، نىسان ۋاقىتشا جۇمىسىن توقتاتتى.
ماسكەۋدەگى كاپوتنيا اۋدانىندا ورنالاسقان مۇناي وڭدەۋ زاۋىتى دا درون شابۋىلىنا ۇشىرادى. بۇل – اتالعان كاسىپورىنعا ءبىر اپتا ىشىندەگى ەكىنشى شابۋىل. قالا بيلىگىنىڭ مالىمەتىنشە، زاۋىت اۋماعىندا شىققان ءورت نەگىزىنەن وقشاۋلانعان، زارداپ شەككەندەر تىركەلمەگەن.
ماسكەۋ وبلىسىندا 17 ادامنىڭ زارداپ شەككەنى حابارلاندى.
ۋكراينا پرەزيدەنتى ۆلاديمير زەلەنسكي بۇل شابۋىلداردى رەسەيدىڭ ۋكراين قالالارى مەن ەلدى مەكەندەرىنە جاساعان سوققىلارىنا «ابدەن ءادىل جاۋاپ» دەپ باعالادى.
