استانادا پوليتسەيلەر اۋەجاي ماڭىنا ەسەگىن جايعان ەر ادامدى جاۋاپقا تارتتى، دەپ حابارلايدى «ادىرنا» ءتىلشىسى.
قالالىق پد مالىمەتىنشە، قاراۋسىز جۇرگەن ەسەك 28 ماۋسىم كۇنى كەشكىسىن اۋەجاي ماڭىنان بايقالعان. جانۋار قوعامدىق ورىندا ەركىن جۇرگەن.
«پوليتسيا قىزمەتكەرلەرى ەسەكتى ۇستاپ، كەيىن ونىڭ يەسى انىقتالدى. بەلگىلى بولعانداي، ەسەك قالا ماڭىندا ورنالاسقان ساياجاي ۋچاسكەسىنىڭ اۋماعىنان وزدىگىنەن شىعىپ كەتكەن. وسى فاكتى بويىنشا 42 جاستاعى يەسى اۋىل شارۋاشىلىعى جانۋارلارىن جايۋ ەرەجەلەرىن بۇزعانى ءۇشىن اكىمشىلىك جاۋاپتىلىققا تارتىلدى»،– دەلىنگەن حابارلامادا.
پوليتسيا اۋىل شارۋاشىلىعى جانۋارلارىنىڭ يەلەرىنە ولاردى كۇتىپ-باعۋ جانە جايۋ ەرەجەلەرىن ساقتاۋ قاجەتتىگىن ەسكەرتەدى. باقىلاۋسىز جايىلىم جول قوزعالىسى قاۋىپسىزدىگىنە قاتەر توندىرەدى جانە جول-كولىك وقيعالارىنا سەبەپ بولۋى مۇمكىن.
