يزرايل اسكەرىنىڭ 2023 جىلدىڭ قازان ايىنان بەرى گازا سەكتورىنا جاساعان شابۋىلدارى سالدارىنان قازا تاپقاندار سانى 73 058 ادامعا جەتتى. بۇل تۋرالى Anadolu Ajansı جازدى، دەپ حابارلايدى «ادىرنا» ءتىلشىسى.
گازا دەنساۋلىق ساقتاۋ مينيسترلىگى 29 ماۋسىمدا قۇرباندار تۋرالى سوڭعى مالىمەتتەردى جاريالادى. مالىمدەمەگە سايكەس، سوڭعى 24 ساعات ىشىندە گازاداعى اۋرۋحانالارعا 4 ادامنىڭ ءمايىتى جەتكىزىلىپ، تاعى 8 جارالانعان ادام تۇسكەن.
2025 جىلدىڭ 10 قازانىندا گازادا اتىستى توقتاتۋ رەجيمى كۇشىنە ەنگەننەن بەرى يزرايل شابۋىلدارىنىڭ سالدارىنان 1045 ادام قازا تاۋىپ، 3380 ادام جارالانعان. بۇدان بولەك، ۇيىندىلەر استىنان 786 ادامنىڭ ءمايىتى شىعارىلعان.
ۆەدومستۆونىڭ مالىمەتىنشە، 2023 جىلدىڭ قازانىنان بەرى ءيزرايلدىڭ گازا سەكتورىنا جاساعان شابۋىلدارى ناتيجەسىندە قازا تاپقانداردىڭ جالپى سانى 73 058 ادامعا، ال جارالانعاندار سانى 173 488 ادامعا جەتكەن.
سونداي-اق گازا سەكتورىنداعى قيراعان عيماراتتاردىڭ ۇيىندىلەرى استىندا ءالى دە مىڭداعان ادامنىڭ ءمايىتى قالۋى مۇمكىن ەكەنى اتاپ ءوتىلدى.
