جانسەيىت تۇيمەباەۆ تۇركى الەمى مەملەكەتتەرى اراسىنداعى پراكتيكالىق ىنتىماقتاستىقتى نىعايتۋ قاجەتتىگىن ايتتى، دەپ حابارلايدى "ادىرنا" ۇلتتىق پورتالى.
بۇل تۋرالى ول باكۋ قالاسىندا تۇركى دۇنيەسى اپتالىعى اياسىندا وتكەن، تۇركولوگيا سەزىنىڭ 100 جىلدىعىنا ارنالعان حالىقارالىق كونفەرەنتسيادا ايتتى.
ءال-فارابي اتىنداعى قازۇۋ رەكتوردىڭ سوزىنشە، تۇركى ينتەگراتسياسى باعىتىندا تاريحي جەتىستىكتەرگە قول جەتكىزىلگەنىمەن، بۇگىندە ناقتى بىرلەسكەن جوبالاردىڭ تاپشىلىعى سەزىلىپ وتىر.
ء«بىرىنشى تۇركولوگيا سەزىنىڭ وتكەنىنە 100 جىل، ال تۇركى مەملەكەتتەرىنىڭ تاۋەلسىزدىك العانىنا شامامەن 35 جىل بولدى. سوعان قاراماستان، بۇگىنگە دەيىن بىرلەسكەن تۇركولوگيالىق جوبالار تولىققاندى جۇزەگە اسىرىلعان جوق»، – دەدى جانسەيىت تۇيمەباەۆ.
ول دەكلاراتيۆتى مالىمدەمەلەرمەن شەكتەلمەي، ناقتى پراكتيكالىق قادامدارعا كوشۋدىڭ ماڭىزدىلىعىن اتاپ ءوتتى. اتاپ ايتقاندا، رەكتور تۇركى مەملەكەتتەرى اراسىندا بىرلەسكەن جۇمىس توپتارىن قۇرىپ، ورتاق عىلىمي جانە ءبىلىم بەرۋ جوبالارىن ىسكە اسىرۋدى ۇسىندى.
