27 ماۋسىم مەن 3 شىلدە ارالىعىندا بولگاريانىڭ ۆارنا قالاسىندا وتكەن ەۋروپالىق گەوگرافيا وليمپياداسىنا (European Geography Olympiad, EGeo) 13 مەملەكەتتەن 100 وقۋشى قاتىستى. جارىس قورىتىندىسى بويىنشا قازاقستاننىڭ 9 وقۋشىدان قۇرالعان ۇلتتىق قۇراماسى 2 التىن، 5 كۇمىس جانە 2 قولا مەدال جەڭىپ الىپ، كوماندانىڭ بارلىق مۇشەسى جۇلدەگەر اتاندى، دەپ حابارلايدى «ادىرنا» ءتىلشىسى وقۋ-اعارتۋ مينيسترلىگىنە سىلتەمە جاساپ.
بۇل - قازاقستاننىڭ ەۋروپالىق گەوگرافيا وليمپياداسىنا قاتىسۋ تاريحىنداعى ەڭ ۇزدىك ناتيجە.
وليمپيادا بارىسىندا قاتىسۋشىلار فيزيكالىق، الەۋمەتتىك-ەكونوميكالىق جانە ايماقتىق گەوگرافيا بويىنشا تەوريالىق جانە پراكتيكالىق تاپسىرمالاردى ورىنداپ، كارتوگرافيالىق ماتەريالدار مەن گەوگرافيالىق دەرەكتەردى تالداۋ داعدىلارىن كورسەتكەن.
التىن مەدال يەگەرلەرى:
اندرەي ەنباحتوۆ - قوستاناي قالاسىنداعى جاراتىلىستانۋ-ماتەماتيكا باعىتىنداعى NIS-ءتىڭ 11-سىنىپ وقۋشىسى;
سىرىم امانتاي - قاراعاندى وبلىسىنداعى ن. نۇرماقوۆ اتىنداعى مامانداندىرىلعان مەكتەپ-ليتسەي-ينتەرناتىنىڭ 9-سىنىپ وقۋشىسى.
كۇمىس مەدال يەگەرلەرى:
دارىن بەكبول - جەتىسۋ وبلىسى، تالدىقورعان قالاسىنداعى مۇحتار ارىن اتىنداعى №24 مامانداندىرىلعان ليتسەيدىڭ 10-سىنىپ وقۋشىسى;
ازامات جۋماجانوۆ - اقتوبە وبلىستىق ء«بىلىم-يننوۆاتسيا» ليتسەي-ينتەرناتىنىڭ 9-سىنىپ وقۋشىسى;
ايدوس سەرىكباي - الماتى وبلىسى، ەسىك قالاسىنداعى ا. مالكەەۆ اتىنداعى ء«بىلىم-يننوۆاتسيا» ليتسەي-ينتەرناتىنىڭ 11-سىنىپ وقۋشىسى;
شىڭعىس ءمۇرسالىم - پاۆلودار قالاسىنداعى جاراتىلىستانۋ-ماتەماتيكا باعىتىنداعى NIS-ءتىڭ 11-سىنىپ وقۋشىسى;
نۇراي باكەەۆا - سولتۇستىك قازاقستان وبلىستىق ء«بىلىم-يننوۆاتسيا» ليتسەي-ينتەرناتىنىڭ 11-سىنىپ وقۋشىسى.
قولا مەدال يەگەرلەرى:
امير دارىنوۆ - شىعىس قازاقستان وبلىستىق ء«بىلىم-يننوۆاتسيا» ليتسەيىنىڭ 11-سىنىپ وقۋشىسى;
الان كوزلەنكو - شىعىس قازاقستان وبلىستىق ء«بىلىم-يننوۆاتسيا» ليتسەيىنىڭ 11-سىنىپ وقۋشىسى.
ۇلتتىق قۇرامانى جارىسقا گەوگرافيا ءپانىنىڭ مۇعالىمى نۇرماعامبەت دانات مۇراتۇلى (IQanat High School of Burabay) مەن «دارىن» رەسپۋبليكالىق عىلىمي-پراكتيكالىق ورتالىعىنىڭ ادىسكەرى شايحينا ورال بەكبولاتقىزى دايىنداپ، جەتەكشىلىك ەتكەن.
ەسكە سالايىق، 2025 جىلى قازاقستان قۇراماسى اتالعان وليمپيادادا 1 التىن، 2 كۇمىس جانە 4 قولا مەدال جەڭىپ العان بولاتىن.
