فرانتسياداعى ۆينجەن-سيۋر-مودەر كوممۋناسىندا ورنالاسقان Lalique مۋزەيىنەن قۇنى شامامەن 4 ميلليون ەۋرو بولاتىن 20-عا جۋىق زەرگەرلىك بۇيىم ۇرلاندى. بۇل تۋرالى Le Parisien باسىلىمى جازدى، دەپ حابارلايدى "ادىرنا".
باسىلىمنىڭ مالىمەتىنشە، قاسكويلەر مۋزەي عيماراتىنا زاڭسىز كىرىپ، بىرنەشە كورمە ۆيتريناسىن بۇزىپ اشقان. ولار زەرگەرلىك بۇيىمدار قويىلعان زالداعى ەكسپوناتتاردى الىپ، وقيعا ورنىنان ءىزىن سۋىتقان.
قازىرگى ۋاقىتتا پوليتسيا كەلتىرىلگەن شىعىننىڭ ناقتى كولەمىن انىقتاپ جاتىر.
2025–2026 جىلدارى فرانتسيادا مۋزەيلەر مەن جەكە كوللەكتسيالارعا جاسالعان ۇرلىقتاردىڭ سانى ارتقانى تىركەلگەن. بۇل زەرگەرلىك ەكسپوناتتاردى نىساناعا الاتىن ۇيىمداسقان قىلمىستىق توپتاردىڭ بەلسەندىلىگىنىڭ كۇشەيۋىمەن بايلانىستى. ادەتتە قىلمىسكەرلەر كۇزەت جانە دابىل جۇيەلەرىندەگى وسال تۇستاردى پايدالانىپ، وتە جىلدام ارەكەت ەتىپ، ميلليونداعان ەۋروعا باعالاناتىن قۇندى زاتتاردى قولدى قىلعان.
