الماتىنىڭ الاتاۋ اۋدانىنداعى تۇرعىن ءۇي كەشەندەرىنىڭ بىرىندە 20 جاستاعى بويجەتكەن 10-قاباتتان قۇلاپ، اۋىر جاراقات الدى, دەپ حابارلايدى "ادىرنا".
الماتى قالالىق پوليتسياسىنىڭ مالىمەتىنشە، قىز الدىمەن ءبىرىنشى قاباتتاعى تەمىر قالقاعا سوعىلىپ، كەيىن جەرگە قۇلاعان. ول جەدەل تۇردە اۋرۋحاناعا جەتكىزىلگەن.
الدىن الا مالىمەت بويىنشا، وقيعا الدىندا بويجەتكەن مەن ونىڭ جىگىتى اراسىندا جانجال بولعان. قازىر وقيعانىڭ بارلىق ءمان-جايى انىقتالىپ جاتىر.
دارىگەرلەردىڭ ايتۋىنشا، زارداپ شەككەن قىزدىڭ جاعدايى اۋىر. ماماندار ونىڭ ءومىرىن ساقتاپ قالۋ ءۇشىن بار كۇشىن سالىپ جاتىر.
ۇقساس جاڭالىقتار
