الماتىداعى جاپپاي تارتىپسىزدىك كەزىندە قارۋلى كۇشتەر قاتارىنداعى وفيتسەر قازا تاپتى، دەپ حابارلايدى “ادىرنا” ۇلتتىق پورتالى.
"الماتىدا تارتىپسىزدىكتەر كەزىندە حايروۆ ساندىبەك عاليمۋللينۇلى قازا بولدى. بيىل 11 مامىردا 40 جاسقا تولار ەدى. كاسىبي شىڭدالعان وفيتسەر ومىردەن ءوتتى", - دەدى قورعانىس مينيسترلىگىنىڭ ءباسپاسوز قىزمەتى وكىلدەرى.
مارقۇم ورال قالاسىندا قازىرگى چاپاەۆ اۋدانىندا دۇنيەگە كەلگەن.
"ول قارۋلى كۇشتەر قاتارىندا ۆزۆود كومانديرىنەن باستاپ، اۆياتسيالىق-شابۋىلداۋ بريگاداسى كومانديرىنىڭ ورىنباسارى لاۋازىمىنا دەيىن قىزمەت ەتتى. ول تاجىريبەسىن ءبولىستى، ادال، سەنىمدى جانە لايىقتى كوماندير ۇلگىسىن كورسەتتى. قورعانىس مينيسترلىگىنىڭ باسشىلىعى مەن قارۋلى كۇشتەردىڭ جەكە قۇرامى قايعىلارىنا ورتاقتاسىپ، وتباسى مەن جاقىندارىنا كوڭىل ايتادى", - دەدى ۆەدومستۆو وكىلى.
”ادىرنا” ۇلتتىق پورتالى
