فوتو: مادەنيەت جانە اقپارات مينيسترلىگى
بەلگىلى جۋرناليست، اقىن، پروزاشى جۇمابەك ايداربەكۇلى تابىنباەۆ دۇنيەدەن ءوتتى. بۇل تۋرالى مادەنيەت جانە اقپارات مينيسترلىگى ايتتى، دەپ حابارلايدى "ادىرنا".
جۇمابەك ايداربەكۇلى سانالى عۇمىرىن ەل رۋحانياتى مەن بۇقارالىق اقپارات سالاسىنا ارنادى.
ەڭبەك جولىن 1978 جىلى باستاپ، ءار جىلدارى وڭىرلىك، رەسپۋبليكالىق باسىلىمداردا ابىرويلى قىزمەت اتقاردى. جۋرناليست قانا ەمەس، اقىن ءارى پروزاشى رەتىندە دە قازاق ادەبيەتىنە وزىندىك قولتاڭباسىن قالدىردى.
ونىڭ ء«ومىر – كەرۋەن»، «سوعىس تۋرالى شىندىق»، «جادىمداسىڭ، جارقىن بەينە» جانە باسقا دا كىتاپتارى وقىرمان تاراپىنان جوعارى باعالاندى. كوركەم تۋىندىلارى ارقىلى ۇلتتىق ادەبيەت پەن پۋبليتسيستيكانىڭ دامۋىنا سۇبەلى ۇلەس قوستى.
«كاسىبي بىلىكتىلىگى، ازاماتتىق ۇستانىمى، ادامگەرشىلىك بولمىسى مەن ونەگەلى عۇمىرى ارىپتەستەرى مەن كەيىنگى بۋىن جۋرناليستەر ءۇشىن ءاردايىم ۇلگى بولعان ارداقتى ازاماتتىڭ جارقىن بەينەسى مەن ەسىمى ەل جادىندا ماڭگى ساقتالادى. مارقۇمنىڭ جاتقان جەرى جايلى، توپىراعى تورقا، يمانى سالامات، جانى ءجانناتتا بولسىن»، – دەلىنگەن حابارلامادا.
جۇمابەك تابىنباەۆ قازاقستان جۋرناليستەر وداعى سىيلىعىنىڭ لاۋرەاتى، قازاقستان رەسپۋبليكاسىنىڭ «اقپارات سالاسىنىڭ ۇزدىگى» توسبەلگىسىمەن ماراپاتتالعان ەدى.
