ۆلاديمير ءپۋتيننىڭ ءباسپاسوز حاتشىسى رەسەيلىك تەلەارنالاردا قوزعالعان قازاقستانعا قاتىستى مالىمدەمەلەرگە پىكىر ءبىلدىردى، دەپ حابارلايدى “ادىرنا” ۇلتتىق پورتالى.
قازاقستاندىق جۋرناليست ءادىل بالتاباەۆ ۆلاديمير ءپۋتيننىڭ ءباسپاسوز حاتشىسى دميتري پەسكوۆتان «روسسيا 1» ارناسىنداعى «ۆەچەرني ۆلاديمير سولوۆەۆ» باعدارلاماسىندا ايتىلعان مالىمدەمەلەر كرەملدىڭ ۇستانىمىمەن قانشالىقتى سايكەس كەلەتىنىن سۇرادى. جاۋاپتىڭ ۆيدەوسىن ءادىل بالتاباەۆ تەلەگرام-كانالىندا جاريالادى.
«...بۇل ساياساتتانۋشىلار ەشبىر جاعدايدا ۇكىمەتتىڭ رەسمي باعىتىن كورسەتپەيدى جانە كرەملدىڭ رەسمي باعىتىن كورسەتپەيدى... ولاردى تىڭداۋدىڭ دا، قاراۋدىڭ دا قاجەتى جوق.
ءارتۇرلى ادامدار بار، ءارتۇرلى كوزقاراستار بار. ولاردىڭ رەسمي بيلىككە ەش قاتىسى جوق»، - دەدى پەسكوۆ.
ايتا كەتەيىك، بۇعان دەيىن سىرتقى ىستەر ءمينيسترىنىڭ ورىنباسارى رومان ۆاسيلەنكو رەسەيلىك فەدەرالدى ارناداعى ساراپشىنىڭ قازاقستاندى «ۋكراينادان كەيىنگى ماسەلە» دەپ اتاعان مالىمدەمەسىن ايىپتاعان بولاتىن.
