foto: Mädeniet jäne aqparat ministrlıgı
Belgılı jurnalist, aqyn, prozaşy Jūmabek Aidarbekūly Tabynbaev dünieden öttı. Būl turaly Mädeniet jäne aqparat ministrlıgı aitty, dep habarlaidy "Adyrna".
Jūmabek Aidarbekūly sanaly ǧūmyryn el ruhaniiaty men būqaralyq aqparat salasyna arnady.
Eŋbek jolyn 1978 jyly bastap, är jyldary öŋırlık, respublikalyq basylymdarda abyroily qyzmet atqardy. Jurnalist qana emes, aqyn ärı prozaşy retınde de qazaq ädebietıne özındık qoltaŋbasyn qaldyrdy.
Onyŋ «Ömır – keruen», «Soǧys turaly şyndyq», «Jadymdasyŋ, jarqyn beine» jäne basqa da kıtaptary oqyrman tarapynan joǧary baǧalandy. Körkem tuyndylary arqyly ūlttyq ädebiet pen publisistikanyŋ damuyna sübelı üles qosty.
«Käsıbi bılıktılıgı, azamattyq ūstanymy, adamgerşılık bolmysy men önegelı ǧūmyry ärıptesterı men keiıngı buyn jurnalister üşın ärdaiym ülgı bolǧan ardaqty azamattyŋ jarqyn beinesı men esımı el jadynda mäŋgı saqtalady. Marqūmnyŋ jatqan jerı jaily, topyraǧy torqa, imany salamat, jany jännatta bolsyn», – delıngen habarlamada.
Jūmabek Tabynbaev Qazaqstan Jurnalister odaǧy syilyǧynyŋ laureaty, Qazaqstan Respublikasynyŋ «Aqparat salasynyŋ üzdıgı» tösbelgısımen marapattalǧan edı.
