قاتاردا بۇرىنعى ءامىرى حاماد بين حاليفا ءال ءتانيدىڭ دۇنيەدەن وتۋىنە بايلانىستى ەلدە ءتورت كۇندىك جالپىۇلتتىق ازا تۇتۋ جاريالاندى. مەملەكەتتىك مەكەمەلەر جۇمىسىن ۋاقىتشا توقتاتادى. بۇل تۋرالى Anadolu اگەنتتىگىگى جازدى، دەپ حابارلايدى “ادىرنا”.
اقپاراتقا سايكەس، 13 شىلدە دۇيسەنبىدەن باستاپ مينيسترلىكتەردە، مەملەكەتتىك مەكەمەلەر مەن ۇيىمداردا، سونداي-اق مەملەكەتكە قاراستى قۇرىلىمداردا جۇمىس ۋاقىتشا توقتاتىلادى.
قىزمەتكەرلەر ءوز مىندەتتەرىن اتقارۋعا 19 شىلدەدە قايتا كىرىسەدى. سونداي-اق ازا تۇتۋ كەزەڭىندە قاتار بويىنشا بارلىق مەملەكەتتىك تۋلار تومەن تۇسىرىلەدى.
سونىمەن قاتار 74 جاسىندا دۇنيەدەن وتكەن شەيح حاماد بەن حاليفا ءال ءتانيدى اقىرعى ساپارعا شىعارۋ اقشام نامازىنان كەيىن ەل استاناسى دوحا قالاسىنداعى يمام مۇحاممەد بەن ءابد ءال-ۋاححاب مەشىتىندە وقىلادى. ال ونىڭ دەنەسى لۋسايل زيراتىندا جەرلەنەتىنى حابارلاندى.
ەسكە سالساق، بۇگىن قاتاردىڭ بۇرىنعى ءامىرى شەيح حاماد بەن حاليفا ءال تاني 74 جاسىندا دۇنيەدەن ءوتتى. ول قاتاردىڭ جەتىنشى ءامىرى جانە ءال تاني اۋلەتىنەن بيلىككە كەلگەن ءۇشىنشى ادام.
