قازاقستان مەن كاتار بيلىگى اسكەري كەلىسىمگە قول قويۋدى جوسپارلاپ وتىر، دەپ حابارلايدى "ادىرنا" ءتىلشىسى.
قازاقستان مەن كاتار اسكەري ىنتىماقتاستىق تۋرالى كەلىسىمگە قول قويماق. ۇكىمەت قاۋلىسىنىڭ جوباسىندا:
"ۇكىمەت پەن كاتار مەملەكەتىنىڭ ۇكىمەتى اراسىنداعى اسكەري ىنتىماقتاستىق تۋرالى كەلىسىمنىڭ جوباسى ماقۇلدانسىن", – دەلىنگەن.
2022 جىلى 12-13 قازاندا كاتار ءامىرى شەيح تاميم بەن حاماد ءال تاني قازاقستانعا رەسمي ءىس-ساپارمەن كەلگەن بولاتىن. قر پرەزيدەنتى قاسىم-جومارت توقاەۆتىڭ تاپسىرماسى بويىنشا كەلىسىم جۇزەگە اسىرىلادى.
كەلىسىم شەڭبەرىندە بىرنەشە شارالاردى ىسكە اسىرۋ جوسپارلانۋدا:
- اسكەري ءبىلىم بەرۋ جانە اسكەري قىزمەتشىلەردى دايارلاۋ;
- اسكەري مەديتسينا;
- اسكەري عىلىم;
- اسكەري سالاداعى مادەني جانە سپورتتىق ءىس-شارالار;
- بەيبىتشىلىكتى قولداۋ جونىندەگى وپەراتسيالارعا بايلانىستى ماسەلەلەر بويىنشا كونسۋلتاتسيالار;
- جاۋىنگەرلىك دايارلىق;
- تاراپتار ءوزارا كەلىسكەن ىنتىماقتاستىقتىڭ وزگە دە سالالارى.
ۇقساس جاڭالىقتار
