قازاقستان رەسپۋبليكاسى پارلامەنتى ءماجىلىسىنىڭ دەپۋتاتتارىنىڭ قاراۋىنا «2022-2024 جىلدارعا ارنالعان رەسپۋبليكالىق بيۋدجەت تۋرالى» زاڭ جوباسى ۇسىنىلدى، دەپ حابارلايدى «ادىرنا» ۇلتتىق پورتالى.
«قۇقىق قورعاۋ ورگاندارىن ودان ءارى نىعايتۋعا 437 ملرد تەڭگە قاراستىرىلعان. ونىڭ ىشىندە ەڭبەكاقىنى جانە قۇقىق قورعاۋ ورگاندارىنىڭ سانىن ارتتىرۋعا – 92 ملرد. بارلىق قۇقىق قورعاۋ ورگاندارىنىڭ ارنايى جاساقتارىنىڭ قىزمەتكەرلەرى مەن اسكەري قىزمەتكەرلەرىنىڭ جالاقىسى ورتاشا ەسەپپەن 20%-دان 40%-عا دەيىن ءوستى»، - دەدى قر قارجى ۆيتسە-ءمينيسترى تاتيانا ساۆەلەۆا «2022-2022 جىلدارعا ارنالعان رەسپۋبليكالىق بيۋدجەت تۋرالى» زاڭ جوباسىن تانىستىرۋ بارىسىندا.
قارجى ۆيتسە-ءمينيسترى تاتيانا ساۆەلەۆا اتاپ وتكەندەي، بيۋدجەتتى ناقتىلاۋ اياسىندا قۇقىق قورعاۋ ورگاندارىنىڭ جاۋىنگەرلىك ازىرلىگىن جانە تەحنيكاسىن ارتتىرۋعا قوسىمشا 441 ملرد تەڭگە قاراستىرىلعان.
«بۇل شىعىس قاڭتار وقيعاسىنىڭ سالدارىن جويۋعا جانە جالپى سوماسى 4,1 ملرد تەڭگەگە وتەماقى تولەۋگە باعىتتالادى. بۇل شىعىندار زاقىمدالعان جابدىقتار مەن عيماراتتاردى جوندەۋگە جانە قالپىنا كەلتىرۋگە جۇمسالادى. قازىرگى ۋاقىتتا قايتىس بولعان قىزمەتكەرلەردىڭ وتباسىلارىنا قاجەتتى جاردەماقى مەن وتەماقى تولەندى. قۇقىق قورعاۋ ورگاندارىن ودان ءارى نىعايتۋعا 437 ملرد تەڭگە، ونىڭ ىشىندە ىشكى ىستەر ورگاندارى قىزمەتكەرلەرىنىڭ جالاقىسى مەن سانىن ارتتىرۋعا 92 ملرد تەڭگە قاراستىرىلعان. بارلىق قۇقىق قورعاۋ ورگاندارىنىڭ ارنايى جاساقتارى قىزمەتكەرلەرى مەن اسكەري قىزمەتشىلەرىنىڭ جالاقىسى ورتا ەسەپپەن 20-دان 40 پايىزعا دەيىن ءوستى»، - دەدى ۆيتسە-مينيستر.
سونداي-اق، ونىڭ ايتۋىنشا، ىشكى ىستەر مينيسترلىگى، ۇلتتىق ۇلان جانە قورعانىس مينيسترلىگىنىڭ ارنايى جاساقتارىن ارنايى كولىكتەرمەن قامتاماسىز ەتۋ جوسپارلانۋدا. ماتەريالدىق-تەحنيكالىق بازانى تولىقتىرۋعا 91 ملرد تەڭگە، ونىڭ ىشىندە اسكەري-كولىكتىك اۆياتسيا فلوتىنا 15,5 ملرد تەڭگە ءبولىندى.
«ادىرنا» ۇلتتىق پورتالى
