Qazaqstan Respýblıkasy Parlamenti Májilisiniń depýtattarynyń qaraýyna «2022-2024 jyldarǵa arnalǵan respýblıkalyq bıýdjet týraly» zań jobasy usynyldy, dep habarlaıdy «Adyrna» ulttyq portaly.
«Quqyq qorǵaý organdaryn odan ári nyǵaıtýǵa 437 mlrd teńge qarastyrylǵan. Onyń ishinde eńbekaqyny jáne quqyq qorǵaý organdarynyń sanyn arttyrýǵa – 92 mlrd. Barlyq quqyq qorǵaý organdarynyń arnaıy jasaqtarynyń qyzmetkerleri men áskerı qyzmetkerleriniń jalaqysy ortasha eseppen 20%-dan 40%-ǵa deıin ósti», - dedi QR Qarjy vıe-mınıstri Tatıana Saveleva «2022-2022 jyldarǵa arnalǵan respýblıkalyq bıýdjet týraly» zań jobasyn tanystyrý barysynda.
Qarjy vıe-mınıstri Tatıana Saveleva atap ótkendeı, bıýdjetti naqtylaý aıasynda quqyq qorǵaý organdarynyń jaýyngerlik ázirligin jáne tehnıkasyn arttyrýǵa qosymsha 441 mlrd teńge qarastyrylǵan.
«Bul shyǵys qańtar oqıǵasynyń saldaryn joıýǵa jáne jalpy somasy 4,1 mlrd teńgege ótemaqy tóleýge baǵyttalady. Bul shyǵyndar zaqymdalǵan jabdyqtar men ǵımarattardy jóndeýge jáne qalpyna keltirýge jumsalady. Qazirgi ýaqytta qaıtys bolǵan qyzmetkerlerdiń otbasylaryna qajetti járdemaqy men ótemaqy tólendi. Quqyq qorǵaý organdaryn odan ári nyǵaıtýǵa 437 mlrd teńge, onyń ishinde ishki ister organdary qyzmetkerleriniń jalaqysy men sanyn arttyrýǵa 92 mlrd teńge qarastyrylǵan. Barlyq quqyq qorǵaý organdarynyń arnaıy jasaqtary qyzmetkerleri men áskerı qyzmetshileriniń jalaqysy orta eseppen 20-dan 40 paıyzǵa deıin ósti», - dedi vıe-mınıstr.
Sondaı-aq, onyń aıtýynsha, Ishki ister mınıstrligi, Ulttyq ulan jáne Qorǵanys mınıstrliginiń arnaıy jasaqtaryn arnaıy kóliktermen qamtamasyz etý josparlanýda. Materıaldyq-tehnıkalyq bazany tolyqtyrýǵa 91 mlrd teńge, onyń ishinde áskerı-kóliktik avıaııa flotyna 15,5 mlrd teńge bólindi.
«Adyrna» ulttyq portaly
