اقش-تىڭ يرانعا قارسى شابۋىلدارى پرەزيدەنت دونالد ترامپ توقتاتۋ تۋرالى بۇيرىق بەرگەنگە دەيىن جالعاسادى. بۇل تۋرالى اق ءۇي باسشىسى Fox News ارناسىنا بەرگەن سۇحباتىندا ايتتى، دەپ حابارلايدى «ادىرنا» ءتىلشىسى.
«مەن «جەتەدى» دەگەنگە دەيىن سوققىلار جالعاسادى. وسى اپتادا بومبالاۋدى جالعاستىرامىز، ال كەلەسى اپتادا جاعداي ءتىپتى قيىنداي تۇسەدى. ەگەر ولار كەلىسسوز ۇستەلىنە وتىرماسا، بارلىق ەلەكتر ستانتسياسىن ىستەن شىعارىپ، بارلىق كوپىردى جويامىز»، — دەدى ترامپ.
ءوز كەزەگىندە يران اسكەرى تاياۋ شىعىستاعى امەريكالىق بازالارعا «تولىق جەڭىسكە جەتكەنگە دەيىن» سوققى بەرۋدى جالعاستىراتىنىن مالىمدەدى.
8 شىلدەدەن بەرى اقش يران يسلام رەسپۋبليكاسىنا قارسى بىرنەشە رەت شابۋىل جاساعان بولاتىن. اقش قارۋلى كۇشتەرىنىڭ ورتالىق قولباسشىلىعى بۇل ارەكەتتەردى ورمۇز بۇعازى ارقىلى وتەتىن كوممەرتسيالىق كەمەلەرگە قاتىستى يراننىڭ ءىس-قيمىلدارىنا جاۋاپ دەپ اتادى.
بۇعان جاۋاپ رەتىندە يران تاياۋ شىعىستا ورنالاسقان امەريكالىق اسكەري بازالارعا سوققى جاسادى. ال 12 شىلدەدە تەگەران ۆاشينگتون ايماق ىستەرىنە ارالاسۋىن توقتاتقانعا دەيىن ورمۇز بۇعازىن جاباتىنىن جاريالادى.
