AQŞ-tyŋ İranǧa qarsy şabuyldary prezident Donald Tramp toqtatu turaly būiryq bergenge deiın jalǧasady. Būl turaly Aq üi basşysy Fox News arnasyna bergen sūhbatynda aitty, dep habarlaidy «Adyrna» tılşısı.
«Men «jetedı» degenge deiın soqqylar jalǧasady. Osy aptada bombalaudy jalǧastyramyz, al kelesı aptada jaǧdai tıptı qiyndai tüsedı. Eger olar kelıssöz üstelıne otyrmasa, barlyq elektr stansiiasyn ısten şyǧaryp, barlyq köpırdı joiamyz», — dedı Tramp.
Öz kezegınde İran äskerı Taiau Şyǧystaǧy amerikalyq bazalarǧa «tolyq jeŋıske jetkenge deiın» soqqy berudı jalǧastyratynyn mälımdedı.
8 şıldeden berı AQŞ İran İslam Respublikasyna qarsy bırneşe ret şabuyl jasaǧan bolatyn. AQŞ Qaruly küşterınıŋ Ortalyq qolbasşylyǧy būl äreketterdı Ormūz būǧazy arqyly ötetın kommersiialyq kemelerge qatysty İrannyŋ ıs-qimyldaryna jauap dep atady.
Būǧan jauap retınde İran Taiau Şyǧysta ornalasqan amerikalyq äskeri bazalarǧa soqqy jasady. Al 12 şıldede Tegeran Vaşington aimaq ısterıne aralasuyn toqtatqanǧa deiın Ormūz būǧazyn jabatynyn jariialady.
