پرەمەر-مينيستر ولجاس بەكتەنوۆتىڭ توراعالىعىمەن وتكەن ۇكىمەت وتىرىسىندا 2026 جىلدىڭ ءبىرىنشى جارتىجىلدىعىنداعى ەلىمىزدىڭ الەۋمەتتىك-ەكونوميكالىق دامۋ قورىتىندىلارى مەن رەسپۋبليكالىق بيۋدجەتتىڭ اتقارىلۋ ناتيجەلەرى قارالدى.
جيىندا ۇلىتاۋ وبلىسىنىڭ الەۋمەتتىك-ەكونوميكالىق دامۋ كورسەتكىشتەرى جوعارى باعالانىپ، ءوڭىر بىرقاتار نەگىزگى باعىت بويىنشا رەسپۋبليكاداعى كوشباسشىلار قاتارىنان كورىندى.
2026 جىلدىڭ قاڭتار–ماۋسىم ايلارىنىڭ قورىتىندىسى بويىنشا ۇلىتاۋ وبلىسىنداعى ەكونوميكانىڭ ءوسۋى 17 پايىزدى قۇراپ، بۇل كورسەتكىشپەن ءوڭىر قازاقستان بويىنشا 2-ورىنعا تۇراقتادى.
سونىمەن قاتار، جەكەلەگەن سالالارداعى دامۋ قارقىنى بويىنشا ۇلىتاۋ وبلىسى رەسپۋبليكادا 1-ورىنعا شىقتى. اتاپ ايتقاندا:
* قۇرىلىس جۇمىستارىنىڭ ءوسۋى – 3,3 ەسە،
* جەكە ينۆەستيتسيالار كولەمى – 2,2 ەسە.
ال تۇرعىن ءۇيدى پايدالانۋعا بەرۋ كورسەتكىشى بويىنشا ءوڭىر 14 پايىزدىق وسىممەن رەسپۋبليكادا 3-ورىندى يەلەندى.
بۇل ناتيجەلەر ۇلىتاۋ وبلىسىندا ينۆەستيتسيالىق بەلسەندىلىكتىڭ ارتىپ، قۇرىلىس سالاسىنىڭ قارقىندى دامىپ كەلە جاتقانىن جانە ءوڭىر ەكونوميكاسىنىڭ تۇراقتى ءوسىمىن ايقىن كورسەتەدى.
