استاناداعى «Tarlan Astana» جەڭىل رەلستى كولىك جۇيەسى ىسكە قوسىلعالى بەرى 500 ميلليون تەڭگەدەن استام تابىس تاپتى، دەپ حابارلايدى "ادىرنا" ءتىلشىسى.
بۇل تۋرالى ءبىرىنشى كرەديتتىك بيۋرو حابارلادى.
مالىمەتكە سايكەس، ماۋسىم ايىندا جولاۋشىلار LRT قىزمەتىن 2,1 ميلليون رەت پايدالانعان. وسى كورسەتكىش بويىنشا ەلوردالىق جەڭىل رەلستى كولىك الماتى مەتروسىنىڭ جولاۋشىلار اعىنىنا جاقىنداي ءتۇستى. ماۋسىمدا الماتى مەتروسى 2,4 ميلليون جولاۋشىعا قىزمەت كورسەتكەن. سونىمەن قاتار استاناداعى LRT-نىڭ جولاۋشىلار اينالىمى الماتى مەتروسىنان جوعارى بولعان. رەسمي دەرەك بويىنشا، بۇل كورسەتكىش استانادا 46,5 ميلليوندى، ال الماتىدا 34,9 ميلليوندى قۇرادى.
ساراپشىلار مۇنى باعىتتاردىڭ ۇزىندىعىمەن بايلانىستىرادى. «Tarlan Astana» جەلىسىنىڭ ۇزىندىعى 22,4 شاقىرىم بولسا، الماتى مەتروسىنىڭ ۇزىندىعى 13,4 شاقىرىم. 16 مامىردا ىسكە قوسىلعاننان بەرى ماۋسىم ايىنىڭ سوڭىنا دەيىن LRT 3,2 ميلليون جولاۋشى تاسىمالداعان. وسى ۋاقىت ارالىعىندا جۇيەنىڭ جالپى تابىسى 503,1 ميلليون تەڭگەگە جەتكەن.
