مەملەكەت باسشىسىنىڭ 2026 جىلعى 16 ناۋرىزداعى «كىتاپ وقۋ مادەنيەتىن دامىتۋ جانە زياتكەرلىك ۇلت قالىپتاستىرۋ تۋرالى» جارلىعىن ىسكە اسىرۋ اياسىندا قازاقستاندا كىتاپ وقۋ مادەنيەتىن دامىتۋ، ۇلتتىق ادەبيەتتى قولداۋ جانە كىتاپ يندۋسترياسىنىڭ تۇراقتى دامۋىنا جاڭا سەرپىن بەرەتىن ماڭىزدى قادام جاسالدى.
وسى ماقساتتا «كرەاتيۆتى يندۋستريالاردى دامىتۋ قورى» كورپوراتيۆتىك قورى مەن «كىتاپ وقيتىن ۇلت – چيتايۋششايا ناتسيا» قوعامدىق قورى ىنتىماقتاستىق تۋرالى مەموراندۋمعا قول قويدى.
قۇجاتقا «كرەاتيۆتى يندۋستريالاردى دامىتۋ قورى» كورپوراتيۆتىك قورىنىڭ باسقارما توراعاسى ەرلان كاناليموۆ پەن «كىتاپ وقيتىن ۇلت – چيتايۋششايا ناتسيا» قوعامدىق قورىنىڭ توراعاسى باقىتجان تۇرلىبەكوۆ قول قويدى.
مەموراندۋمنىڭ باستى ماقساتى – كىتاپ وقيتىن اۋديتوريانى كەڭەيتۋ ارقىلى زياتكەرلىك ونىمگە دەگەن سۇرانىستى قالىپتاستىرۋ، ۇلتتىق ادەبيەتتى قولداۋ جانە قازاقستانداعى كىتاپ يندۋسترياسىنىڭ تۇراقتى دامۋىنا جاعداي جاساۋ.
ىنتىماقتاستىق اياسىندا تاراپتار «كىتاپ وقيتىن ۇلت» رەسپۋبليكالىق مارافونىن بىرلەسىپ جۇزەگە اسىرىپ، كىتاپ وقۋ مادەنيەتىن قالىپتاستىرۋعا، وقىرمان قاۋىمىن كەڭەيتۋگە جانە ادەبيەت پەن كرەاتيۆتى يندۋستريالار اراسىنداعى بايلانىستى نىعايتۋعا باعىتتالعان جۇيەلى جۇمىستار جۇرگىزەدى. سونىمەن قاتار فورۋمدار، فەستيۆالدەر، كورمەلەر، شىعارماشىلىق كەزدەسۋلەر، دارىستەر، سەمينارلار جانە وزگە دە مادەني-اعارتۋشىلىق ءىس-شارالار ۇيىمداستىرىلادى.
جوبانىڭ باستى ەرەكشەلىگى – ونىڭ اۋقىمى. بيىل رەسپۋبليكا بويىنشا 1 ميلليوننان استام ازاماتتى كىتاپ وقۋعا تارتۋ جوسپارلانىپ وتىر. ءاربىر قاتىسۋشى 15 كىتاپقا دەيىن وقيدى، ال جوباعا قازاق جانە ورىس تىلدەرىندەگى 300-دەن استام شىعارما ەنگىزىلگەن.
وسىلايشا جوبا اياسىندا 15 ميلليونعا دەيىن كىتاپ وقىلىمىن قالىپتاستىرۋ كوزدەلىپ وتىر. بۇل – كىتاپقا دەگەن ناقتى سۇرانىستىڭ ارتۋى عانا ەمەس، سونىمەن بىرگە وتاندىق اۆتورلار، باسپالار، كىتاپ دۇكەندەرى، اۋدارما جوبالارى جانە شىعارماشىلىق يندۋستريالار ءۇشىن جاڭا مۇمكىندىكتەردىڭ قالىپتاسۋىنا نەگىز بولادى.
«بۇگىن قول قويىلعان مەموراندۋم – مەملەكەت باسشىسىنىڭ 2026 جىلعى 16 ناۋرىزداعى «كىتاپ وقۋ مادەنيەتىن دامىتۋ جانە زياتكەرلىك ۇلت قالىپتاستىرۋ تۋرالى» جارلىعىن ىسكە اسىرۋ جولىنداعى ناقتى قادام. بۇل قۇجات كىتاپ وقۋ مادەنيەتىن دامىتۋعا، ۇلتتىق ادەبيەتتى قولداۋعا جانە قازاقستانداعى كىتاپ يندۋسترياسىنىڭ جاڭا مۇمكىندىكتەرىن قالىپتاستىرۋعا باعىتتالعان ماڭىزدى ارىپتەستىكتىڭ نەگىزىن قالايدى. كرەاتيۆتى ەكونوميكا شىعارماشىلىق ونىممەن عانا ولشەنبەيدى. ونىڭ نەگىزىندە يدەيا، ءبىلىم جانە زياتكەرلىك مەنشىك جاتىر. ال وسى قۇندىلىقتاردىڭ قاينار كوزى – كىتاپ. ميلليونداعان جاڭا وقىرماننىڭ قالىپتاسۋى وتاندىق اۆتورلار مەن باسپالاردىڭ دامۋىنا، جاڭا شىعارماشىلىق جوبالاردىڭ جۇزەگە اسۋىنا جانە كرەاتيۆتى يندۋستريالاردىڭ نىعايۋىنا تىڭ سەرپىن بەرەدى»، – دەدى «كرەاتيۆتى يندۋستريالاردى دامىتۋ قورى» كورپوراتيۆتىك قورىنىڭ باسقارما توراعاسى ەرلان كاناليموۆ.
ءوز كەزەگىندە «كىتاپ وقيتىن ۇلت – چيتايۋششايا ناتسيا» قوعامدىق قورىنىڭ توراعاسى باقىتجان تۇرلىبەكوۆ كىتاپ يندۋسترياسىنىڭ تۇراقتى دامۋى ەڭ الدىمەن تۇراقتى وقىرمان اۋديتورياسىنىڭ قالىپتاسۋىنا بايلانىستى ەكەنىن اتاپ ءوتتى.
ء«بىز اۆتورلاردى، باسپالاردى جانە كىتاپ دۇكەندەرىن قولداي الامىز. الايدا كىتاپقا دەگەن تۇراقتى سۇرانىس قالىپتاسپايىنشا، سالانىڭ تولىققاندى دامۋى مۇمكىن ەمەس. سوندىقتان ءبىزدىڭ باستى مىندەتىمىز – ميلليونداعان ازاماتتى كىتاپ وقۋعا تارتۋ ارقىلى جاڭا وقىرمان مادەنيەتىن قالىپتاستىرۋ»، – دەدى ول.
تاراپتار سەرىكتەستىك اياسىندا كىتاپ وقۋ مادەنيەتىن دامىتۋعا باعىتتالعان ۇزاق مەرزىمدى جوبالاردى بىرلەسىپ ىسكە اسىرىپ، ادەبي شىعارماشىلىقتى قولداۋ، تاجىريبە الماسۋ جانە مادەني-اعارتۋشىلىق باستامالاردى جۇيەلى تۇردە جۇزەگە اسىراتىن بولادى.
قول قويىلعان مەموراندۋم مەملەكەت باسشىسىنىڭ كىتاپ وقۋ مادەنيەتىن دامىتۋ جانە زياتكەرلىك ۇلت قالىپتاستىرۋ جونىندەگى جارلىعىن ىسكە اسىرۋعا ءوز ۇلەسىن قوسىپ، كىتاپ وقۋعا دەگەن قوعامدىق قىزىعۋشىلىقتى ارتتىرۋعا، ۇلتتىق ادەبيەتتى كەڭىنەن ناسيحاتتاۋعا، ينتەللەكتۋالدىق كاپيتالدى دامىتۋعا جانە قازاقستاننىڭ كرەاتيۆتى يندۋستريالارى ەكوجۇيەسىن نىعايتۋعا باعىتتالعان جاڭا بىرلەسكەن جوبالاردى ىسكە اسىرۋدىڭ بەرىك نەگىزىن قالايدى.
