ءبىلىم بەرۋ گرانتتارىن تاعايىنداۋ كونكۋرسىنا بيىل 127 مىڭعا جۋىق تالاپكەر ءوتىنىش بەرگەن. بايقاۋ تالاپتارى بويىنشا ۇمىتكەرلەر 4 ءتۇرلى ءبىلىم بەرۋ باعدارلاماسى مەن جوعارى وقۋ ورنىن تاڭداۋعا قۇقىلى. وتىنىمدەر ناتيجەسىندە اباي ۋنيۆەرسيتەتىن 22 مىڭنان استام تالاپكەر تاڭداپ، تاريحى 100 جىلعا جۋىقتاعان تۇڭعىش جوعارى وقۋ ورنىندا ءبىلىم الۋعا نيەت ءبىلدىرىپ وتىر. وسىلايشا «تالاپكەر – 2026» ناۋقانىندا پەداگوگيكالىق كوشباسشى قاسيەتتى قارا شاڭىراق ەلىمىزدىڭ جەتەكشى ۋنيۆەرسيتەتتەرى اراسىنان الدىڭعى قاتارعا شىقتى.
قازاقستان بويىنشا 13-20 شىلدە ارالىعىندا مەملەكەتتىك گرانت كونكۋرسىنا ءوتىنىش قابىلداۋ جۇرگىزىلدى. جالپى سانى 127 مىڭعا جۋىق تالاپكەر كونكۋرسقا ءوتىنىش جازعان. قر عىلىم جانە جوعارى ءبىلىم مينيسترلىگىنىڭ مالىمەتىنشە بيىل باكالاۆريات دەڭگەيىندە ءبىلىم الۋعا 75 مىڭنان استام گرانت ءبولىنىپ وتىر. گرانتتاردىڭ باسىم بولىگى (60%) ينجەنەرلىك باعىتتاعى ماماندىقتارعا، 20% – پەداگوگيكالىق ماماندىقتارعا، 20% – باسقا سالالارعا ەڭبەك نارىنداعى قاجەتتىلىكتى ەسكەرە وتىرىپ بەرىلدى.
اباي ۋنيۆەرسيتەتىنىڭ قابىلداۋ كوميسسياسى دا مەملەكەتتىك گرانتقا ءوتىنىش قابىلداۋ ناۋقانىن ءساتتى جۇرگىزدى. كونكۋرس تالاپتارىنا ساي تالاپكەر 4 ءتۇرلى ءبىلىم بەرۋ باعدارلاماسى مەن جوعارى وقۋ ورنىن تاڭداۋعا قۇقىلى ەكەنىن ەسكەرسەك، وسىنداي ناقتى تاڭداۋ بويىنشا پەداگوگيكالىق باعىتتا ورتالىق ازيا مەن قازاقستانداعى كوشباسشى ۋنيۆەرسيتەت ەلىمىزدە الدىڭعى قاتارعا شىعىپ وتىر. ۇلتتىق تەستىلەۋ ورتالىعىنىڭ دەرەگىنە سايكەس، اباي اتىنداعى قازۇپۋ-دى رەسپۋبليكا بويىنشا 22 115 تالاپكەر ءوز تاڭداۋىندا كورسەتكەنى سوعان ناقتى دالەل. ونىڭ ىشىندە: 1-تاڭداۋدا – 6479, 2-تاڭداۋدا – 6162, 3-تاڭداۋدا – 5458, 4-تاڭداۋدا – 4016 تالاپكەر بەلگىلەگەن.
سونداي-اق ۋنيۆەرسيتەتكە 423 «التىن بەلگى» يەگەرى، 614 ۇزدىك اتتەستات/ديپلوم يەلەرى، 16 پاتريوتتىق جەتىستىكتەرى نەمەسە پاندىك وليمپيادا جەڭىمدارى وقۋعا تۇسۋگە ءوتىنىم بىلدىرگەن. كوپتەگەن تالاپكەرلەر اباي ۋنيۆەرسيتەتىندەگى قۇقىق، شەت مۇعالىمدەرى دايارلاۋ جانە ينفورماتيكا ءپانى مۇعالىمى ءبىلىم بەرۋ باعدارلامالارىن تاڭداعان. اتاپ ايتساق، (KZ-FR-007) «قۇقىق» – 1 230 ، B018 «شەتەل ءتىلى مۇعالىمدەرىن دايارلاۋ» – 1 173, B011 «ينفورماتيكا مۇعالىمدەرىن دايارلاۋ» – 953 ءوتىنىش تۇسكەن.
مەملەكەتتىك ءبىلىم بەرۋ گرانت ناتيجەسى 10 تامىزعا دەيىن جاريالانادى. ال ۋنيۆەرسيتەتتىڭ قابىلداۋ كوميسسياسى 25 تامىزعا دەيىن جۇمىس ىستەيدى.
