قازىرگى ۋاقىتتا ەلىمىزدە نەگىزگى ۇلتتىق بىرىڭعاي تەستىلەۋ (ۇبت) ءوتىپ جاتىر. ول 10 مامىردا باستالىپ، 10 شىلدەگە دەيىن جالعاسادى.
جوعارى وقۋ ورىندارىنا وقۋعا ءتۇسۋ ءۇشىن قۇجات قابىلداۋ 20 ماۋسىمدا باستالىپ، 25 تامىزدا اياقتالادى.
"دەنساۋلىق ساقتاۋ" جانە "پەداگوگيكالىق عىلىمدار" باعىتتارىن تاڭداعان تالاپكەرلەر ءۇشىن ارنايى ەمتيحاندار قاراستىرىلعان. بۇل ەمتيحاندارعا وتىنىشتەر 20 ماۋسىمنان باستاپ قابىلدانادى، ال سىناقتار 20 تامىزعا دەيىن جالعاسادى.
ء بىلىم گرانتى كونكۋرسىنا قاتىسۋدى جوسپارلاعان تالاپكەرلەر ارنايى ەمتيحانداردى 20 شىلدەگە دەيىن تاپسىرۋى قاجەت.
ال شىعارماشىلىق ماماندىقتارعا تۇسۋشىلەر ءۇشىن مىناداي كەستە بەكىتىلدى:
- شىعارماشىلىق ەمتيحاندارعا ءوتىنىش قابىلداۋ – 20 ماۋسىمنان 10 تامىزعا دەيىن (گرانتقا ۇمىتكەرلەر ءۇشىن – 7 شىلدەگە دەيىن);
- شىعارماشىلىق ەمتيحانداردى وتكىزۋ – 7 شىلدەدەن 15 تامىزعا دەيىن (گرانتقا ۇمىتكەرلەر ءۇشىن – 20 شىلدەگە دەيىن).
گرانت كونكۋرسىنىڭ مەرزىمدەرى:
- ء بىلىم بەرۋ گرانتتارىن تاعايىنداۋ كونكۋرسىنا وتىنىمدەر 13–20 شىلدە ارالىعىندا قابىلدانادى;
- مەملەكەتتىك ءبىلىم گرانتى يەگەرلەرىنىڭ ءتىزىمى 10 تامىزعا دەيىن جاريالانادى.
ەسكە سالايىق، بۇعان دەيىن قازاقستاندا 1-سىنىپقا قۇجات قابىلداۋ باستالعانى حابارلانعان بولاتىن.
