ۆەنەسۋەلانىڭ ەكس-پرەزيدەنتى نيكولاس مادۋرو مەن ونىڭ جۇبايى سيليا فلورەسكە قاتىستى سوت پروتسەسى 2027 جىلعى 1 ماۋسىمدا باستالادى. بۇل تۋرالى AP اگەنتتىگى جازدى، دەپ حابارلايدى «ادىرنا» ءتىلشىسى.
سۋديا ەلۆين حەللەرستاين اتالعان كۇندى پروكۋراتۋرا مەن قورعاۋ تاراپىنىڭ ۇستانىمدارىن ەسكەرە وتىرىپ بەكىتكەن.
سوت تىڭداۋى بارىسىندا نيكولاس مادۋرو دا، سيليا فلورەس تە ءسوز سويلەگەن جوق. ەكەۋى دە وزدەرىنە تاعىلعان ايىپتاردى مويىنداماعان. ەگەر القابيلەر ولاردى اقش-قا كوكاين جەتكىزۋ جونىندەگى استىرتىن كەلىسىمگە قاتىسقان دەپ تاپسا، اتالعان تۇلعالار ءومىر بويىنا باس بوستاندىعىنان ايىرىلۋى مۇمكىن.
مادۋرونىڭ ادۆوكاتى بارري پوللاك قورعاۋىنداعى ازاماتتىڭ ەگەمەن مەملەكەتتىڭ باسشىسى رەتىندە سوت يممۋنيتەتىنە يە ەكەنىن ايتىپ، تاعىلعان ايىپتاۋ قورىتىندىسىنا شاعىم تۇسىرەتىنىن مالىمدەدى.
ايتا كەتەيىك، مادۋرو مەن ونىڭ جۇبايى قاڭتار ايىنان بەرى نيۋ-يوركتەگى تۇرمەدە قاماۋدا وتىر.
2026 جىلدىڭ باسىندا اقش پرەزيدەنتى دونالد ترامپ ۆەنەسۋەلا اۋماعىندا اسكەري وپەراتسيا جۇرگىزۋگە باستاماشى بولعان ەدى. ونىڭ بارىسىندا پرەزيدەنت نيكولاس مادۋرو ەلدەن شىعارىلعان. وپەراتسيانىڭ رەسمي سەبەبى رەتىندە مادۋرونىڭ اقش-تا ىزدەۋدە جۇرگەنى كورسەتىلگەن.
