«ادىلەت» پارتياسى قۇرىلتايى دەپۋتاتتارىنىڭ سايلاۋىنا ارنالعان ۇگىت-ناسيحات ناۋقانىنا رەسمي تۇردە كىرىسىپ، رەسپۋبليكالىق شتابىن اشتى. قازىرگى تاڭدا ەل بويىنشا 20 ايماقتىق جانە 226 اۋماقتىق شتاب اشىلدى، ال شارالارعا 30 مىڭعا جۋىق سەنىمدى وكىل جۇمىلدىرىلعان.
رەسپۋبليكالىق شتابتىڭ اشىلۋى بارىسىندا پارتيا توراعاسى ايبەك دادەباي ساياسي ناۋقاننىڭ ماڭىزىنا توقتالىپ ءوتتى. سونداي-اق ول الداعى قۇرىلتاي سايلاۋى ەلدەگى كونستيتۋتسيالىق رەفورمالاردىڭ زاڭدى جالعاسى ەكەنىن ايتتى.
«مەملەكەت باسشىسى قاسىم-جومارت كەمەلۇلى توقاەۆتىڭ رەفورمالارى ەلىمىزدە تۇبەگەيلى، وڭ وزگەرىستەرگە جول اشىپ، تاۋەلسىزدىگىمىزدىڭ تۇعىرىن بەكەمدەي ءتۇستى. بيىلعى جالپىحالىقتىق رەفەرەندۋمدا قابىلدانعان جاڭا كونستيتۋتسيا ساياسي جۇيەمىزدىڭ جاڭا ارحيتەكتۋراسىن قالىپتاستىرىپ، مەملەكەتتىلىگىمىزدى نىعايتا تۇسۋگە كەپىلدىك بولىپ وتىر. وسى ورايدا، الداعى وتەتىن سايلاۋ دا كونستيتۋتسيالىق وزگەرىستەردىڭ زاڭدى جالعاسى بولماق»، – دەدى ول.
وعان قوسا ايبەك دادەباي پارتيانىڭ «ادىلەتتى بولاشاق ءۇشىن» اتتى سايلاۋالدى باعدارلاماسى قوعامنىڭ سۇرانىستارى نەگىزىندە ازىرلەنگەنىن ايتتى. قۇجاتتى دايىنداۋ كەزىندە تۇرعىنداردىڭ ۇسىنىستارى QR-كودتار ارقىلى جينالىپ، ساراپشىلار قاتىسۋىمەن ستراتەگيالىق سەسسيالار ۇيىمداستىرىلعان. سونىمەن قاتار پارتيا ارنايى الەۋمەتتىك زەرتتەۋلەر مەن ساۋالنامالار جۇرگىزىپ، ەلدەگى نەگىزگى الەۋمەتتىك-ەكونوميكالىق ماسەلەلەر سارالانعان.
پارتيانىڭ باعدارلاماسى ەلدىڭ ۇزاق مەرزىمدى دامۋىنا ارنالعان 10 باسىم باعىتتى قامتيدى. وندا زاڭ ۇستەمدىگىن نىعايتۋ، وڭىرلىك ساياساتتى جاڭعىرتۋ، ءادىل ءارى باسەكەلى ەكونوميكانى قالىپتاستىرۋ، تسيفرلىق مەملەكەتتى دامىتۋ، الەۋمەتتىك قولداۋ جۇيەسىن جەتىلدىرۋ، ادام كاپيتالىن كۇشەيتۋ جانە ازاماتتىق جاۋاپكەرشىلىكتى ارتتىرۋ سياقتى ماڭىزدى مىندەتتەر بەلگىلەنگەن.
ساياساتتانۋشى دانيار اشىمباەۆتىڭ ايتۋىنشا، ۇسىنىلعان باعدارلاما قازىرگى مەملەكەتتىك ساياساتپەن ۇيلەسىم تاپقان جانە پرەزيدەنت قاسىم-جومارت توقاەۆ جۇرگىزىپ وتىرعان رەفورمالاردىڭ جالعاسى رەتىندە كورىنگەن. ونىڭ پىكىرىنشە، قۇجات قوعامنىڭ الەۋمەتتىك سۇرانىستارى مەن قوعامدىق پىكىردى ەسكەرگەن.
«پارتيا نەپوتيزم مەن كلاندىق جۇيەنىڭ قالدىقتارىن جويۋدى، تسيفرلاندىرۋ ارقىلى شەشىم قابىلداۋداعى ادامي فاكتوردى بارىنشا ازايتۋدى، «ەستيتىن مەملەكەت» قاعيداتىن كۇشەيتۋدى، دامۋ باسىمدىقتارى ءارتۇرلى بەس ماكرووڭىر قالىپتاستىرۋدى، ەكونوميكانىڭ شيكىزاتتىق مودەلىنەن ارىلۋدى، حالىق تابىسىن ارتتىرۋدى، ينۆەستيتسيالىق احۋالدى جاقسارتۋدى، شاعىن جانە ورتا بيزنەستى دامىتۋدى، جاساندى ينتەللەكتتى پايدالانا وتىرىپ زاڭناماعا رەۆيزيا جۇرگىزۋدى، AI Hub پەن دەرەكتەردى وڭدەۋ ورتالىقتارىنىڭ القابىن ىسكە قوسۋدى، سونداي-اق سالاۋاتتى ءومىر سالتىن قالىپتاستىرۋ جونىندەگى ۇلتتىق ناۋقاندى باستاۋدى ۇسىنىپ وتىر. «ادىلەت» مەملەكەتتىك باسقارۋ، ەكونوميكا، الەۋمەتتىك سالا، ەكولوگيا جانە قۇقىقتىق ساياساتتىڭ بارلىق نەگىزگى باعىتتارىن قامتىپ، ولاردىڭ باسىم بولىگىندە جاساندى ينتەللەكت قۇرالدارىن كەڭىنەن قولدانۋدى ۇسىنادى. بۇل دا بۇگىنگى جۇرگىزىلىپ وتىرعان ساياساتتىڭ باعىتىنا ساي كەلەدى»، - دەيدى ول.
ساراپشىنىڭ سوزىنشە، «ادىلەت» پارتياسىنىڭ سايلاۋالدى باعدارلاماسىندا ۇسىنىلعان باستامالاردىڭ باسىم بولىگى ءداستۇرلى قوعامدىق-ساياسي جانە الەۋمەتتىك-ەكونوميكالىق ماسەلەلەردى شەشۋگە باعىتتالعان ءداستۇرلى تاسىلدەرگە نەگىزدەلگەن. الايدا ولار قازىرگى ساياسي جاعداي مەن ەلدىڭ دامۋ ەرەكشەلىكتەرىن ەسكەرە وتىرىپ جاڭارتىلعان.
قورىتىندىلاي كەلە، «ادىلەت» پارتياسى الەۋمەتتىك قولداۋ، ەكونوميكانى ءارتاراپتاندىرۋ جانە تسيفرلىق ترانسفورماتسيا باعىتتارىن قامتيتىن اۋقىمدى سايلاۋالدى باعدارلاما ۇسىنعان. باعدارلامادا قويىلعان ماقساتتار مەن مىندەتتەردىڭ ىسكە اسۋى پارتيانىڭ ساياسي الەۋەتىنە، قارجىلىق مۇمكىندىكتەرىنە، سونداي-اق ولاردى جۇزەگە اسىرۋعا ارنالعان ناقتى تەتىكتەردىڭ تيىمدىلىگى مەن مەملەكەتتىك ينستيتۋتتاردىڭ ۇيلەسىمدى جۇمىسىنا تاۋەلدى. سوندىقتان باعدارلامانىڭ ناتيجەلىلىگى ونىڭ مازمۇنىنان عانا ەمەس، ونى ءىس جۇزىندە ورىنداۋ دەڭگەيىنەن دە كورىنەتىن بولادى.
دايىنداعان:
«ادىلەت» پارتياسىنىڭ ءباسپاسوز قىزمەتى.
«ادىلەت» پارتياسى» قب سايلاۋ قورىنىڭ قاراجاتى ەسەبىنەن تولەندى.
تاپسىرىس بەرۋشى: ن.ت. مىڭجاساروۆ.
