«Ädılet» partiiasy Qūryltaiy deputattarynyŋ sailauyna arnalǧan ügıt-nasihat nauqanyna resmi türde kırısıp, respublikalyq ştabyn aşty. Qazırgı taŋda el boiynşa 20 aimaqtyq jäne 226 aumaqtyq ştab aşyldy, al şaralarǧa 30 myŋǧa juyq senımdı ökıl jūmyldyrylǧan.
Respublikalyq ştabtyŋ aşyluy barysynda partiia töraǧasy Aibek Dädebai saiasi nauqannyŋ maŋyzyna toqtalyp öttı. Sondai-aq ol aldaǧy Qūryltai sailauy eldegı konstitusiialyq reformalardyŋ zaŋdy jalǧasy ekenın aitty.
«Memleket basşysy Qasym-Jomart Kemelūly Toqaevtyŋ reformalary elımızde tübegeilı, oŋ özgerısterge jol aşyp, Täuelsızdıgımızdıŋ tūǧyryn bekemdei tüstı. Biylǧy jalpyhalyqtyq referendumda qabyldanǧan jaŋa Konstitusiia saiasi jüiemızdıŋ jaŋa arhitekturasyn qalyptastyryp, memlekettılıgımızdı nyǧaita tüsuge kepıldık bolyp otyr. Osy oraida, aldaǧy ötetın sailau da konstitusiialyq özgerısterdıŋ zaŋdy jalǧasy bolmaq», – dedı ol.
Oǧan qosa Aibek Dädebai partiianyŋ «Ädılettı bolaşaq üşın» atty sailaualdy baǧdarlamasy qoǧamnyŋ sūranystary negızınde äzırlengenın aitty. Qūjatty daiyndau kezınde tūrǧyndardyŋ ūsynystary QR-kodtar arqyly jinalyp, sarapşylar qatysuymen strategiialyq sessiialar ūiymdastyrylǧan. Sonymen qatar partiia arnaiy äleumettık zertteuler men saualnamalar jürgızıp, eldegı negızgı äleumettık-ekonomikalyq mäseleler saralanǧan.
Partiianyŋ baǧdarlamasy eldıŋ ūzaq merzımdı damuyna arnalǧan 10 basym baǧytty qamtidy. Onda zaŋ üstemdıgın nyǧaitu, öŋırlık saiasatty jaŋǧyrtu, ädıl ärı bäsekelı ekonomikany qalyptastyru, sifrlyq memlekettı damytu, äleumettık qoldau jüiesın jetıldıru, adam kapitalyn küşeitu jäne azamattyq jauapkerşılıktı arttyru siiaqty maŋyzdy mındetter belgılengen.
Saiasattanuşy Daniiar Äşımbaevtyŋ aituynşa, ūsynylǧan baǧdarlama qazırgı memlekettık saiasatpen üilesım tapqan jäne Prezident Qasym-Jomart Toqaev jürgızıp otyrǧan reformalardyŋ jalǧasy retınde körıngen. Onyŋ pıkırınşe, qūjat qoǧamnyŋ äleumettık sūranystary men qoǧamdyq pıkırdı eskergen.
«Partiia nepotizm men klandyq jüienıŋ qaldyqtaryn joiudy, sifrlandyru arqyly şeşım qabyldaudaǧy adami faktordy barynşa azaitudy, «Estitın memleket» qaǧidatyn küşeitudı, damu basymdyqtary ärtürlı bes makroöŋır qalyptastyrudy, ekonomikanyŋ şikızattyq modelınen aryludy, halyq tabysyn arttyrudy, investisiialyq ahualdy jaqsartudy, şaǧyn jäne orta biznestı damytudy, jasandy intellekttı paidalana otyryp zaŋnamaǧa reviziia jürgızudı, AI Hub pen derekterdı öŋdeu ortalyqtarynyŋ alqabyn ıske qosudy, sondai-aq salauatty ömır saltyn qalyptastyru jönındegı ūlttyq nauqandy bastaudy ūsynyp otyr. «Ädılet» memlekettık basqaru, ekonomika, äleumettık sala, ekologiia jäne qūqyqtyq saiasattyŋ barlyq negızgı baǧyttaryn qamtyp, olardyŋ basym bölıgınde jasandy intellekt qūraldaryn keŋınen qoldanudy ūsynady. Būl da bügıngı jürgızılıp otyrǧan saiasattyŋ baǧytyna sai keledı», - deidı ol.
Sarapşynyŋ sözınşe, «Ädılet» partiiasynyŋ sailaualdy baǧdarlamasynda ūsynylǧan bastamalardyŋ basym bölıgı dästürlı qoǧamdyq-saiasi jäne äleumettık-ekonomikalyq mäselelerdı şeşuge baǧyttalǧan dästürlı täsılderge negızdelgen. Alaida olar qazırgı saiasi jaǧdai men eldıŋ damu erekşelıkterın eskere otyryp jaŋartylǧan.
Qorytyndylai kele, «Ädılet» partiiasy äleumettık qoldau, ekonomikany ärtaraptandyru jäne sifrlyq transformasiia baǧyttaryn qamtityn auqymdy sailaualdy baǧdarlama ūsynǧan. Baǧdarlamada qoiylǧan maqsattar men mındetterdıŋ ıske asuy partiianyŋ saiasi äleuetıne, qarjylyq mümkındıkterıne, sondai-aq olardy jüzege asyruǧa arnalǧan naqty tetıkterdıŋ tiımdılıgı men memlekettık instituttardyŋ üilesımdı jūmysyna täueldı. Sondyqtan baǧdarlamanyŋ nätijelılıgı onyŋ mazmūnynan ǧana emes, ony ıs jüzınde oryndau deŋgeiınen de körınetın bolady.
Daiyndaǧan:
«Ädılet» partiiasynyŋ baspasöz qyzmetı.
«Ädılet» partiiasy» QB sailau qorynyŋ qarajaty esebınen tölendı.
Tapsyrys beruşı: N.T. Myŋjasarov.
