Qazaqstanda ekı partiiany tırkeuge rūqsat berılmedı. Būl turaly Ädılet vise-ministrı Botagöz Jaqselekova Senatta ötken baspasöz mäslihatynda tılşıler sūraǧyna jauap bere otyryp aitty, dep habarlaidy “Adyrna” ūlttyq portaly.
«Qazaqstanda 7 saiasi partiia tırkelgen. Däl qazır Ädılet ministrlıgınde qaralyp jatqan jaŋa saiasi partiialardyŋ ötınışterı joq. Bıraq biylǧy jyldyŋ basynan berı Ädılet ministrlıgıne saiasi partiialar qūru turaly üş habarlama kelıp tüstı. Olardyŋ barlyǧy belgılengen tärtıpte qaraldy. Bıreuı qoldau tapty — Yntymaq partiiasy. Qalǧan ekeuı boiynşa qūjattary tolyq jinalmaǧan, sondyqtan qabyldanbady», — dedı Jaqselekova.
Būl tūrǧyda «Alǧa Qazaqstan» men «Halyq derbestıgı» partiialarynyŋ tızımı säikes kelmegen. Vise-ministr osynyŋ negızınde rūqsat berılmegenın aitty.
Ūqsas jaŋalyqtar
