قازاقستاندا ەكى پارتيانى تىركەۋگە رۇقسات بەرىلمەدى. بۇل تۋرالى ادىلەت ۆيتسە-ءمينيسترى بوتاگوز جاقسەلەكوۆا سەناتتا وتكەن ءباسپاسوز ءماسليحاتىندا تىلشىلەر سۇراعىنا جاۋاپ بەرە وتىرىپ ايتتى، دەپ حابارلايدى “ادىرنا” ۇلتتىق پورتالى.
«قازاقستاندا 7 ساياسي پارتيا تىركەلگەن. ءدال قازىر ادىلەت مينيسترلىگىندە قارالىپ جاتقان جاڭا ساياسي پارتيالاردىڭ وتىنىشتەرى جوق. بىراق بيىلعى جىلدىڭ باسىنان بەرى ادىلەت مينيسترلىگىنە ساياسي پارتيالار قۇرۋ تۋرالى ءۇش حابارلاما كەلىپ ءتۇستى. ولاردىڭ بارلىعى بەلگىلەنگەن تارتىپتە قارالدى. بىرەۋى قولداۋ تاپتى — Yntymaq پارتياسى. قالعان ەكەۋى بويىنشا قۇجاتتارى تولىق جينالماعان، سوندىقتان قابىلدانبادى»، — دەدى جاقسەلەكوۆا.
بۇل تۇرعىدا «العا قازاقستان» مەن «حالىق دەربەستىگى» پارتيالارىنىڭ ءتىزىمى سايكەس كەلمەگەن. ۆيتسە-مينيستر وسىنىڭ نەگىزىندە رۇقسات بەرىلمەگەنىن ايتتى.
