Qostanaı oblysyndaǵy óńirlik jobalyq keńse jalpy somasy 55 mlrd. teńgege 267 jobany ázirleýdi qolǵa aldy. 203 joba qarjylandyrýǵa ıe boldy, taǵy 215 joba maquldandy.
- Jobalardyń basym bóligi AÓK salasynda maquldandy (78,1%). Ekinshi orynda tamaq ónerkásibi nemese AÓK qaıta óńdeý salasyndaǵy jobalar, olar 13,5%-dy quraıdy. Esepti kezeńde ekinshi deńgeıli bankter 30,8 mlrd teńge somaǵa 66 jobany, "Agrarlyq nesıe korporaııasy" AQ – 149 jobany (6,1 mlrd teńge) maquldady, – dep habarlady Qostanaı oblysy Kásipkerler palatasynyń dırektory Murat Ábenov.
"Qarapaıym zattar ekonomıkasy" - basym jobalarǵa jeńildikpen kredıt beretin baǵdarlama. 2018 jylyy jeltoqsanda qabyldandy. Onyń negizgi mindeti - ımporttyq áleýmettik mańyzy bar azyq-túlik taýarlaryn jergilikti taýarlarǵa aýystyrý. Qazirgi ýaqytta basym jobalarǵa kredıt berýge arnalǵan taýarlar tizbesine qyzmettiń 140 túri boıynsha 1500-ge jýyq ataý kiredi.