Qostanai oblysy öŋırınde ötıp jatqan referendum barysynda tūrǧyndardyŋ belsendılıgı baiqalady. Taŋǧy uaqyttan bastap sailau uchaskelerıne kelgen azamattar sany köp bolyp, keibır uchaskelerde adamdardyŋ kezekke tūrǧany baiqaldy.
Aimaqtyŋ är audan-qalalaryndaǧy uchaskelerde tūrǧyndar dauys beruge erte kelıp, azamattyq belsendılık tanytuda. Uchaskelerde tärtıp saqtalyp, dauys beru prosesı qalypty jaǧdaida ötude.
Jelıde taraǧan fotosuretterde de uchaskelerdegı halyqtyŋ köp jinalǧany körınedı. Kadrlarda dauys beruge kelgen tūrǧyndardyŋ qarasy qalyŋ ekenı baiqalyp, öŋırdegı azamattardyŋ maŋyzdy qoǧamdyq şaraǧa beijai qaramaitynyn körsetedı.
Baqylauşylardyŋ aituynşa, dauys beru prosesı zaŋ talaptaryna säikes ūiymdastyrylǧan. Uchaskelerde qajettı jaǧdailar jasalyp, tūrǧyndardyŋ öz taŋdauyn erkın jasauyna mümkındık berılgen.
Mamandardyŋ pıkırınşe, halyqtyŋ belsendı qatysuy qoǧamdaǧy azamattyq jauapkerşılıktıŋ artyp kele jatqanyn körsetedı.
