Qazaqstandyq qoǧamdyq damu instituty aldaǧy referendum turaly halyqtyŋ habardarlyǧy men Jaŋa Konstitusiia jobasyn qoldau deŋgeiın zerdeleu jönınde äleumettanulyq saualnama jürgızdı.
Jaŋa Konstitusiia jobasy boiynşa referendum ötetını turaly halyqtyŋ habardar bolu deŋgeiı
Telefon saualnamasynyŋ nätijesıne säikes, saualnamaǧa qatysqan qazaqstandyqtardyŋ 81,8%-y elımızde jaŋa Konstitusiia jobasy boiynşa referendum ötkızu josparlanyp otyrǧanyn bıledı, olardyŋ 33,7%-y referendum turaly jaqsy bıledı, al 48,1%-y būl turaly estıgen, bıraq egjei-tegjeilı bılmeidı.
Jaŋa Konstitusiia jobasy boiynşa referendum turaly eşteŋe estımegender ülesı – 17,1%.
Saualnamaǧa qatysqandar arasynda jalpy habardarlyqtyŋ joǧary körsetkışı, onyŋ ışınde referendum turaly estıgender ülesı Jambyl (89,7%), Şyǧys Qazaqstan (87,8%), Qyzylorda (89,1%), Batys Qazaqstan (88,1%) oblystary men Almaty qalasynda (87,6%) joǧary.
Telefon saualnamasy nätijelerı körsetkendei, jastar josparlanǧan referendum turaly jaqsy habardar (44,8%). Būl rette aǧa buyn da egjei-tegjei bılmese de (51,7%), jalpy joǧary habardar ekenın körsettı.
Sondai-aq jaŋa Konstitusiia jobasy boiynşa referendum ötkızu turaly habardarlyq deŋgeiı respondentterdıŋ bılım deŋgeiımen de bailanysty. Azamattardyŋ bılım deŋgeiı joǧary bolǧan saiyn, habardar boludyŋ jalpy körsetkışı de artady. Mysaly, joǧary bılımı bar saualnamaǧa qatysqandardyŋ 86,7%-y qandai da bır därejede referendum ötkızu turaly estıgen bolsa, orta arnaiy, käsıptık bılımı bar saualnamaǧa qatysqandardyŋ 74,3%-y referendum turaly habardar.
Telefon saualnamasyna qatysqandardyŋ basym köpşılıgı (76,9%) eldegı saiasi reformalar men saiasi özgerıster turaly aqparatty äleumettık jelılerden (Tik-tok, Telegram, Instagram, Facebook, VKontakte jäne t.b.) alatynyn körsettı. Al üşten bırı (33,3%) mūndai jaŋalyqtardy internet-saittardan bıledı. Saualnama qatysuşylarynyŋ 20,5%-y teledidardy aqparat közı retınde atap öttı.
Saualnama joǧary elektoraldyq belsendılık deŋgeiın körsettı
«Sız Jaŋa Konstitusiia jobasy boiynşa referendumǧa qatysudy josparlap otyrsyz ba?» degen sūraqqa respondentterdıŋ basym bölıgı – 72,8%-y – oŋ jauap berıp, būl olardyŋ azamattyq paryzy ekenın atap öttı. Azamattardyŋ 17,9%-y älı referendumǧa qatysyp-qatyspaityny turaly naqty şeşım qabyldamaǧanyn aitty. Al respondentterdıŋ 9,3%-y referendumǧa qatysudy josparlap otyrǧan joq.
Joǧary äleuettı elektoraldyq belsendılık Türkıstan (82,7%), Batys Qazaqstan (78,6%), Qaraǧandy (78,1%), Qyzylorda (76,1%), Jambyl (75,0%) jäne Soltüstık Qazaqstan oblystarynda (75,0%) baiqaldy.
Saualnama nätijesıne säikes, referendumǧa qatysuǧa eŋ joǧary daiyndyqty jastar (82,2%) men 29-45 jas aralyǧyndaǧy azamattar (76,3%), sondai-aq joǧary bılımdı (74,4%) jäne jalpy orta bılımdı (75,0%) respondentter körsettı.
Alynǧan derekterge säikes, qazaqstandyqtardyŋ köpşılıgı – 89,2%-y Jaŋa Konstitusiia jobasyn qoldaidy. Olardyŋ ışınde, saualnama qatysuşylarynyŋ 52,8%-y jobany tolyqtai qoldaitynyn, al 36,4%-y jobany qoldauǧa beiım ekenın aitty. Al ärtürlı sebeptermen Jaŋa Konstitusiia jobasyn qoldamaityn nemese älı taŋdauyn jasamaǧandar ülesı bar-joǧy – 10,8%.
2026 jylǧy 12-20 aqpan aralyǧynda Qazaqstan Respublikasy Mädeniet jäne aqparat ministrlıgınıŋ tapsyrysy boiynşa «Qazaqstandyq qoǧamdyq damu instituty» KeAQ qoǧamdyq pıkırge saualnama jürgızdı.
Zertteu Qazaqstannyŋ eresek halqyn (18 jastan joǧary) jynysy, jasy, eldı meken türı jäne tūratyn öŋırı boiynşa körsetetın ūlttyq ırıkteme negızınde jürgızıldı.
Irıkteme jiyntyq kölemı – 1200 respondent. Telefon arqyly saualnama jürgızu aumaǧy 17 oblysty jäne respublikalyq maŋyzy bar 3 qalany (Astana, Almaty, Şymkent) qamtydy. Bailanys stasionarlyq jäne mobildı telefon nömırlerı arqyly jüzege asty.
Saualnama QR OSK-nyŋ resmi habarlamasyna säikes jürgızıldı.
