2026 jylǧy 9 aqpanda Astana qalasyndaǧy Dostyq üiınde Qazaqstan halqy Assambleiasynyŋ Ǧylymi-sarapşylyq keŋesınıŋ otyrysy öttı. Otyrys barysynda qatysuşylar jaŋa Konstitusiia jobasyn jäne onyŋ qoǧamdyq bırlıktı men etnosaralyq kelısımdı nyǧaituǧa baǧyttalǧan negızgı erejelerın belsendı türde qoldady.
Sarapşylar jürgızılıp jatqan konstitusiialyq reformalardyŋ erekşe tarihi maŋyzyn atap ötıp, olardyŋ memleket pen qoǧam arasyndaǧy tūraqty dialogty damytuda qoǧamdyq instituttardyŋ rölın arttyruǧa baǧyttalǧanyn jetkızdı.
Öz sözınde QHA Ǧylymi-sarapşylyq keŋesınıŋ töraǧasy, Filosofiia, saiasattanu jäne dıntanu institutynyŋ bas direktory Aigül Säduaqasova: «Qazaqstan qoǧamyndaǧy ädılettılık – būl qoǧam men tūlǧa arasyndaǧy, onyŋ äleumettık qatynastar jüiesındegı orny men rölıne qatysty, qūqyqtary men bostandyqtarynyŋ ıske asu deŋgeiımen aiqyndalatyn konsensus», – dep atap öttı.
Sondai-aq «Alternativa» özektı zertteuler ortalyǧynyŋ direktory, QHA Ǧylymi-sarapşylyq keŋesınıŋ müşesı, saiasi ǧylymdarynyŋ kandidaty Andrei Chebotarev ūsynylyp otyrǧan reformalardyŋ bilıktıŋ institusionaldyq tepe-teŋdıgın nyǧaitudaǧy maŋyzyn atap öttı. Onyŋ pıkırınşe: «Jürgızılıp jatqan reforma – eldıŋ saiasi jaŋǧyruynyŋ negızgı kezeŋderınıŋ bırı jäne ol, äsırese bırlık pen etnosaralyq kelısımdı nyǧaitu salasynda, bazalyq qūndylyqtar men qaǧidattarǧa äser etedı».
QR Prezidentınıŋ janyndaǧy Memlekettık basqaru akademiiasynyŋ ǧylymi qyzmet jönındegı vise-rektory Äliia Masalimovanyŋ aituynşa, «jaŋa Konstitusiia jobasynyŋ özegınde adam, onyŋ qūqyqtary, äleumettık qorǧaluy jäne tūraqtylyq pen beibıtşılık jaǧdaiynda öz äleuetın jüzege asyru mümkındıgı tūr».
QHA Respublikalyq etnomediasiia keŋesınıŋ jäne özbek etnomädeni ortalyǧynyŋ töraǧasy Şerzod Pulatovtyŋ pıkırınşe, «ökıldık, inkliuzivtılık jäne aşyq dialog qaǧidattaryna negızdelgen memleket pen qoǧamnyŋ özara ärekettesuınıŋ jaŋa modelın bekıtetın platforma retınde elımızdıŋ joǧary konsultativtık organy märtebesıne ie bolatyn «Qazaqstan Halyq Keŋesın» qūru ūsynylyp otyr».
Qazaqstan qyrǧyzdary qauymdastyǧynyŋ töraǧasy Şavkat İsmailov ta jaŋa özgerısterdı qoldap, «Negızgı zaŋ jobasyn talqylau – ūlttyŋ kemeldenuınıŋ, öz bolaşaǧyna degen jauapkerşılıgınıŋ körınısı» ekenın atap öttı.
Otyrys qorytyndysy boiynşa QHA Ǧylymi-sarapşylyq keŋesınıŋ müşelerı jürgızılıp jatqan reformalardy qoldau jönınde ündeu jasap, jaŋa Konstitusiiany qabyldaudyŋ qajettılıgımen tolyq yntymaqtas ekenderın bıldırdı.
