قازاقستاندىق قوعامدىق دامۋ ينستيتۋتى الداعى رەفەرەندۋم تۋرالى حالىقتىڭ حاباردارلىعى مەن جاڭا كونستيتۋتسيا جوباسىن قولداۋ دەڭگەيىن زەردەلەۋ جونىندە الەۋمەتتانۋلىق ساۋالناما جۇرگىزدى.
جاڭا كونستيتۋتسيا جوباسى بويىنشا رەفەرەندۋم وتەتىنى تۋرالى حالىقتىڭ حاباردار بولۋ دەڭگەيءى
تەلەفون ساۋالناماسىنىڭ ناتيجەسىنە سايكەس، ساۋالناماعا قاتىسقان قازاقستاندىقتاردىڭ 81,8%-ى ەلىمىزدە جاڭا كونستيتۋتسيا جوباسى بويىنشا رەفەرەندۋم وتكىزۋ جوسپارلانىپ وتىرعانىن بىلەدى، ولاردىڭ 33,7%-ى رەفەرەندۋم تۋرالى جاقسى بىلەدى، ال 48,1%-ى بۇل تۋرالى ەستىگەن، بىراق ەگجەي-تەگجەيلى بىلمەيدى.
جاڭا كونستيتۋتسيا جوباسى بويىنشا رەفەرەندۋم تۋرالى ەشتەڭە ەستىمەگەندەر ۇلەسى – 17,1%.
ساۋالناماعا قاتىسقاندار اراسىندا جالپى حاباردارلىقتىڭ جوعارى كورسەتكىشى، ونىڭ ىشىندە رەفەرەندۋم تۋرالى ەستىگەندەر ۇلەسى جامبىل (89,7%), شىعىس قازاقستان (87,8%), قىزىلوردا (89,1%), باتىس قازاقستان (88,1%) وبلىستارى مەن الماتى قالاسىندا (87,6%) جوعارى.
تەلەفون ساۋالناماسى ناتيجەلەرى كورسەتكەندەي، جاستار جوسپارلانعان رەفەرەندۋم تۋرالى جاقسى حاباردار (44,8%). بۇل رەتتە اعا بۋىن دا ەگجەي-تەگجەي بىلمەسە دە (51,7%), جالپى جوعارى حاباردار ەكەنىن كورسەتتى.
سونداي-اق جاڭا كونستيتۋتسيا جوباسى بويىنشا رەفەرەندۋم وتكىزۋ تۋرالى حاباردارلىق دەڭگەيى رەسپوندەنتتەردىڭ ءبىلىم دەڭگەيىمەن دە بايلانىستى. ازاماتتاردىڭ ءبىلىم دەڭگەيى جوعارى بولعان سايىن، حاباردار بولۋدىڭ جالپى كورسەتكىشى دە ارتادى. مىسالى، جوعارى ءبىلىمى بار ساۋالناماعا قاتىسقانداردىڭ 86,7%-ى قانداي دا ءبىر دارەجەدە رەفەرەندۋم وتكىزۋ تۋرالى ەستىگەن بولسا، ورتا ارنايى، كاسىپتىك ءبىلىمى بار ساۋالناماعا قاتىسقانداردىڭ 74,3%-ى رەفەرەندۋم تۋرالى حاباردار.
تەلەفون ساۋالناماسىنا قاتىسقانداردىڭ باسىم كوپشىلىگى (76,9%) ەلدەگى ساياسي رەفورمالار مەن ساياسي وزگەرىستەر تۋرالى اقپاراتتى الەۋمەتتىك جەلىلەردەن (Tik-tok, Telegram, Instagram, Facebook, ۆكونتاكتە جانە ت.ب.) الاتىنىن كورسەتتى. ال ۇشتەن ءبىرى (33,3%) مۇنداي جاڭالىقتاردى ينتەرنەت-سايتتاردان بىلەدى. ساۋالناما قاتىسۋشىلارىنىڭ 20,5%-ى تەلەديداردى اقپارات كوزى رەتىندە اتاپ ءوتتى.
ساۋالناما جوعارى ەلەكتورالدىق بەلسەندىلىك دەڭگەيىن كورسەتتى
ء«سىز جاڭا كونستيتۋتسيا جوباسى بويىنشا رەفەرەندۋمعا قاتىسۋدى جوسپارلاپ وتىرسىز با؟» دەگەن سۇراققا رەسپوندەنتتەردىڭ باسىم بولىگى – 72,8%-ى – وڭ جاۋاپ بەرىپ، بۇل ولاردىڭ ازاماتتىق پارىزى ەكەنىن اتاپ ءوتتى. ازاماتتاردىڭ 17,9%-ى ءالى رەفەرەندۋمعا قاتىسىپ-قاتىسپايتىنى تۋرالى ناقتى شەشىم قابىلداماعانىن ايتتى. ال رەسپوندەنتتەردىڭ 9,3%-ى رەفەرەندۋمعا قاتىسۋدى جوسپارلاپ وتىرعان جوق.
جوعارى الەۋەتتى ەلەكتورالدىق بەلسەندىلىك تۇركىستان (82,7%), باتىس قازاقستان (78,6%), قاراعاندى (78,1%), قىزىلوردا (76,1%), جامبىل (75,0%) جانە سولتۇستىك قازاقستان وبلىستارىندا (75,0%) بايقالدى.
ساۋالناما ناتيجەسىنە سايكەس، رەفەرەندۋمعا قاتىسۋعا ەڭ جوعارى دايىندىقتى جاستار (82,2%) مەن 29-45 جاس ارالىعىنداعى ازاماتتار (76,3%), سونداي-اق جوعارى ءبىلىمدى (74,4%) جانە جالپى ورتا ءبىلىمدى (75,0%) رەسپوندەنتتەر كورسەتتى.
الىنعان دەرەكتەرگە سايكەس، قازاقستاندىقتاردىڭ كوپشىلىگى – 89,2%-ى جاڭا كونستيتۋتسيا جوباسىن قولدايدى. ولاردىڭ ىشىندە، ساۋالناما قاتىسۋشىلارىنىڭ 52,8%-ى جوبانى تولىقتاي قولدايتىنىن، ال 36,4%-ى جوبانى قولداۋعا بەيىم ەكەنىن ايتتى. ال ءارتۇرلى سەبەپتەرمەن جاڭا كونستيتۋتسيا جوباسىن قولدامايتىن نەمەسە ءالى تاڭداۋىن جاساماعاندار ۇلەسى بار-جوعى – 10,8%.
2026 جىلعى 12-20 اقپان ارالىعىندا قازاقستان رەسپۋبليكاسى مادەنيەت جانە اقپارات مينيسترلىگىنىڭ تاپسىرىسى بويىنشا «قازاقستاندىق قوعامدىق دامۋ ينستيتۋتى» كەاق قوعامدىق پىكىرگە ساۋالناما جۇرگىزدى.
زەرتتەۋ قازاقستاننىڭ ەرەسەك حالقىن (18 جاستان جوعارى) جىنىسى، جاسى، ەلدى مەكەن ءتۇرى جانە تۇراتىن ءوڭىرى بويىنشا كورسەتەتىن ۇلتتىق ىرىكتەمە نەگىزىندە جۇرگىزىلدى.
ىرىكتەمە جيىنتىق كولەمى – 1200 رەسپوندەنت. تەلەفون ارقىلى ساۋالناما جۇرگىزۋ اۋماعى 17 وبلىستى جانە رەسپۋبليكالىق ماڭىزى بار 3 قالانى (استانا، الماتى، شىمكەنت) قامتىدى. بايلانىس ستاتسيونارلىق جانە ءموبيلدى تەلەفون نومىرلەرى ارقىلى جۇزەگە استى.
ساۋالناما قر وسك-نىڭ رەسمي حابارلاماسىنا سايكەس جۇرگىزىلدى.
