قوستاناي وبلىسى وڭىرىندە ءوتىپ جاتقان رەفەرەندۋم بارىسىندا تۇرعىنداردىڭ بەلسەندىلىگى بايقالادى. تاڭعى ۋاقىتتان باستاپ سايلاۋ ۋچاسكەلەرىنە كەلگەن ازاماتتار سانى كوپ بولىپ، كەيبىر ۋچاسكەلەردە ادامداردىڭ كەزەككە تۇرعانى بايقالدى.
ايماقتىڭ ءار اۋدان-قالالارىنداعى ۋچاسكەلەردە تۇرعىندار داۋىس بەرۋگە ەرتە كەلىپ، ازاماتتىق بەلسەندىلىك تانىتۋدا. ۋچاسكەلەردە ءتارتىپ ساقتالىپ، داۋىس بەرۋ پروتسەسى قالىپتى جاعدايدا وتۋدە.
جەلىدە تاراعان فوتوسۋرەتتەردە دە ۋچاسكەلەردەگى حالىقتىڭ كوپ جينالعانى كورىنەدى. كادرلاردا داۋىس بەرۋگە كەلگەن تۇرعىنداردىڭ قاراسى قالىڭ ەكەنى بايقالىپ، وڭىردەگى ازاماتتاردىڭ ماڭىزدى قوعامدىق شاراعا بەيجاي قارامايتىنىن كورسەتەدى.
باقىلاۋشىلاردىڭ ايتۋىنشا، داۋىس بەرۋ پروتسەسى زاڭ تالاپتارىنا سايكەس ۇيىمداستىرىلعان. ۋچاسكەلەردە قاجەتتى جاعدايلار جاسالىپ، تۇرعىنداردىڭ ءوز تاڭداۋىن ەركىن جاساۋىنا مۇمكىندىك بەرىلگەن.
مامانداردىڭ پىكىرىنشە، حالىقتىڭ بەلسەندى قاتىسۋى قوعامداعى ازاماتتىق جاۋاپكەرشىلىكتىڭ ارتىپ كەلە جاتقانىن كورسەتەدى.
