قوستاناي وبلىسىنىڭ اكىمى قۇمار اقساقالوۆ قازاقستاننىڭ جاڭا كونستيتۋتسياسىنىڭ زاڭدى كۇشىنە ەنۋىنە بايلانىستى قوستانايلىقتارعا قۇتتىقتاۋ جولدادى.
ءوڭىر باسشىسى ءوز ۇندەۋىندە جاڭا اتا زاڭنىڭ ەل دامۋىنىڭ جاڭا كەزەڭىن ايقىندايتىن ماڭىزدى قۇجات ەكەنىن اتاپ ءوتتى. ونىڭ ايتۋىنشا، كونستيتۋتسيا بۇكىلحالىقتىق رەفەرەندۋم ناتيجەسىندە قابىلدانىپ، ازاماتتاردىڭ ەرىك-جىگەرىن ايقىن كورسەتتى.
«جاڭا كونستيتۋتسيانىڭ زاڭدى كۇشىنە ەنۋى – ۇلت تاعدىرىنا تىكەلەي اسەر ەتەتىن تاريحي وقيعا. سوندىقتان كونستيتۋتسيامىزدى حالىقتىق دەپ اتاۋعا تولىق نەگىز بار»، – دەدى قۇمار اقساقالوۆ.
سونداي-اق وبلىس اكىمى ەلىمىزدە جۇزەگە اسىرىلىپ جاتقان باستامالار قوعامدا جاڭا قۇندىلىقتار مەن مادەني ۇستانىمداردىڭ قالىپتاسۋىنا ىقپال ەتىپ وتىرعانىن جەتكىزدى.
قۇمار اقساقالوۆ جاڭا اتا زاڭنىڭ ەلدىڭ ودان ءارى دامۋىنا، ازاماتتاردىڭ قۇقىقتارى مەن مۇمكىندىكتەرىن كەڭەيتۋگە قىزمەت ەتەتىنىنە سەنىم ءبىلدىرىپ، قوستانايلىقتاردى ايتۋلى كۇنمەن قۇتتىقتادى.
