قوستاناي وبلىسىندا 2026 جىلعى 30 ساۋىردە «حالىق زاڭگەرى» وبلىستىق اكتسياسى ءوتتى. اۋقىمدى شارا ساعات 11:30-دا باستالىپ، ءوڭىر تۇرعىندارىنا تەگىن قۇقىقتىق كومەك كورسەتۋگە باعىتتالدى.
اكتسياعا پروكۋراتۋرا ورگاندارىنىڭ قىزمەتكەرلەرى، جەرگىلىكتى اتقارۋشى ورگانداردىڭ وكىلدەرى جانە ءتۇرلى ۋاكىلەتتى مەملەكەتتىك قۇرىلىمداردىڭ ماماندارى قاتىستى. ولار ازاماتتاردى قابىلداپ، قۇقىقتىق ماسەلەلەر بويىنشا كەڭەس بەردى.
ءىس-شارانىڭ باستى ماقساتى – تۇرعىنداردىڭ قۇقىقتىق ساۋاتتىلىعىن ارتتىرۋ، زاڭ نورمالارىن ءتۇسىندىرۋ جانە ءار ازاماتقا ءوز قۇقىقتارىن قورعاۋ تەتىكتەرىن ۇيرەتۋ. ماماندار جەر قاتىناستارى، الەۋمەتتىك تولەمدەر، ەڭبەك داۋلارى، تۇرعىن ءۇي ماسەلەلەرى سەكىلدى وزەكتى تاقىرىپتار بويىنشا تۇسىندىرمە جۇمىستارىن جۇرگىزدى.
اكتسيا وبلىستىڭ بارلىق قالالارى مەن اۋداندارىندا ءبىر مەزگىلدە ۇيىمداستىرىلىپ، شالعاي ەلدى مەكەن تۇرعىندارىنا دا قۇقىقتىق كومەك الۋعا مۇمكىندىك بەردى.
وبلىس ورتالىعىندا نەگىزگى الاڭ قوستاناي قالاسىنداعى «تەكستيلششيك» مادەنيەت ۇيىندە ءوتتى. تۇرعىندار زاڭگەرلەرمەن بەتپە-بەت كەزدەسىپ، وزدەرىن تولعاندىرعان سۇراقتارعا ناقتى جاۋاپ الدى.
مۇنداي باستامالار حالىق پەن مەملەكەتتىك ورگاندار اراسىنداعى بايلانىستى نىعايتىپ، قۇقىقتىق مادەنيەتتى قالىپتاستىرۋدا ماڭىزدى ءرول اتقارادى.
