Qostanai oblysynda 2026 jylǧy 30 säuırde «Halyq zaŋgerı» oblystyq aksiiasy öttı. Auqymdy şara saǧat 11:30-da bastalyp, öŋır tūrǧyndaryna tegın qūqyqtyq kömek körsetuge baǧyttaldy.
Aksiiaǧa prokuratura organdarynyŋ qyzmetkerlerı, jergılıktı atqaruşy organdardyŋ ökılderı jäne türlı uäkılettı memlekettık qūrylymdardyŋ mamandary qatysty. Olar azamattardy qabyldap, qūqyqtyq mäseleler boiynşa keŋes berdı.
Is-şaranyŋ basty maqsaty – tūrǧyndardyŋ qūqyqtyq sauattylyǧyn arttyru, zaŋ normalaryn tüsındıru jäne är azamatqa öz qūqyqtaryn qorǧau tetıkterın üiretu. Mamandar jer qatynastary, äleumettık tölemder, eŋbek daulary, tūrǧyn üi mäselelerı sekıldı özektı taqyryptar boiynşa tüsındırme jūmystaryn jürgızdı.
Aksiia oblystyŋ barlyq qalalary men audandarynda bır mezgılde ūiymdastyrylyp, şalǧai eldı meken tūrǧyndaryna da qūqyqtyq kömek aluǧa mümkındık berdı.
Oblys ortalyǧynda negızgı alaŋ Qostanai qalasyndaǧy «Tekstilşik» mädeniet üiınde öttı. Tūrǧyndar zaŋgerlermen betpe-bet kezdesıp, özderın tolǧandyrǧan sūraqtarǧa naqty jauap aldy.
Mūndai bastamalar halyq pen memlekettık organdar arasyndaǧy bailanysty nyǧaityp, qūqyqtyq mädeniettı qalyptastyruda maŋyzdy röl atqarady.
