7 qarashada Nur-Sultandaǵy eńbek mınıstrligi aldyna bir top áıel zeınet jasyn tómendetýdi talap etip, akııa ótkizdi, dep habarlaıdy "Adyrna" ulttyq portaly derekkózge siltep.
Olar "Qazaqstan Respýblıkasy táýelsizdiginiń 30 jyldyǵyna oraı áıelderge raqymshylyq jarııalansyn! Áıelder burynǵysha 58 jasta zeınetke shyǵarylsyn!" degen jazýy bar plakattar ustap turdy.
Narazy áıelderdiń akııasyn eki avtobýsta otyrǵan arnaıy jasaq pen polıııa baqylady. Esil aýdany ákimdiginiń ókili akııanyń zańsyz ekenin birneshe ret eskertti.
Narazylyqqa qatysýshylardyń biri Kenjesh Sembaeva akııa týraly ákimdikke aldyn ala habar bergenin, biraq ákimdik ruqsat etpegenin aıtady.
- Zań boıynsha ákimdikke eskerttik. Ruqsat bermese de shyqtyq, sebebi mıtıng bolatyny týraly áleýmettik jelide habarlap qoıǵanbyz. Elýden astam adam keletin bolǵan. Polıııany jeksenbide jınalǵanymyz qatty alańdatqan tárizdi,- deıdi ol.
Akııaǵa alty adam qatysyp, bir saǵatqa jetpeı tarqady.
Áıelderdiń zeınet jasynyń ulǵaıǵanyna narazylyq bildirgen bul top 1 qazanda da osyǵan uqsas plakattarmen shyqqan edi. Ol joly eńbek mınıstrliginiń ókili arnaıy jumys tobyn quryp, áıelder talabyn talqylaýdy usynǵan.
Zeınet jasyn tómendetýdi talap etken áıelder qozǵalysyn uıymdastyrýshylardyń biri Maıken Bekarystanova ótken aıdaǵy ýáde sóz júzinde qaldy deıdi.
- Bizben ZOOM platformasynda mınıstrdiń birinshi orynbasary Aqmadı Sarbasov kezdesti. Biraq bizge sóz bermeı, ózi sóılep ketip qaldy. Jumys toby da qurylmady. Parlamentke, burynǵy prezıdent Nursultan Nazarbaevqa, "Qazaqstan halyq partııasyna" hat joldadyq. Tek eńbek mınıstrliginen "zeınet jasy tómendemeıdi" degen jaýap aldyq. Kúresimizdi toqtatpaımyz, -deıdi Maıken Bekarystanova.
Qazaqstanda 2018 jyldan bastap erler men áıelderdiń zeınet jasy teńestirile bastaǵan. Zańǵa sáıkes, 2027 jyldan bastap áıelderdiń zeınet jasy jyl saıyn jarty jyldan kóbeıedi. Buryn áıelder 58 jasta shyqsa, endi 63 jasta shyǵatyn bolady. Al erler zeınetke burynǵysha 63 jasta zeınetke shyǵady.
"Adyrna" ulttyq portaly
