Abai audanynda «Taza Qazaqstan – būl bızdıŋ brendımız» atty jastardyŋ ekologiialyq aksiiasy öttı. Jas belsendıler biznes ökılderımen bırlesıp, «Taza Qazaqstan» simvolikasy beinelengen arnaiy stikerlerdı bır ret paidalanylatyn staqandarǧa, kofehanalardyŋ qaptamalaryna, fastfud oryndary men sauda nysandarynyŋ önımderıne japsyrdy.
Ūiymdastyruşylardyŋ aituynşa, bastamanyŋ basty maqsaty — ekologiia taqyrybyn är tūrǧynnyŋ kündelıktı ömırınıŋ ajyramas bölıgıne ainaldyru.
«Jastar Ruhy» jastar qanatynyŋ jetekşısı Laura Düisenova aksiianyŋ maqsaty adamdarǧa tazalyqtyŋ maŋyzyn kündelıktı qoldanatyn qarapaiym zattar arqyly eske salu ekenın aitty.
— Bız ekologiiany ömırımızdıŋ ajyramas bölıgıne ainaldyrǧymyz keldı. Bır rettık kofe staqany nemese taǧam qaptamasy — kün saiyn közımız tüsetın dünieler. Bızdıŋ mındetımız — är tūrǧyn qolyna kofe ne jeŋıl as ūstap tūrǧan sätte öz qalasy men tūtas eldıŋ tazalyǧy turaly oilansa eken degen niet boldy, — dep atap öttı ol.
Ūiymdastyruşylardyŋ pıkırınşe, «Taza Qazaqstan» jobasy äldeqaşan qarapaiym senbılıkter aiasynan şyǧyp, äleumettık jauapkerşılık pen azamattyq ūstanymnyŋ simvolyna ainalǧan.
Ekologiialyq bastamaǧa jergılıktı biznes ökılderı de qoldau bıldırdı. Kofehanalar, dükender men jetkızu qyzmetterınıŋ ielerı öz önımderıne ekologiialyq stikerler ornalastyru ideiasyn qoldaǧan.
Käsıpker Iýrii Kotov qala tazalyǧy är adamnyŋ jeke jauapkerşılıgınen bastalatynyn atap öttı.
— «Taza Qazaqstan» — jai ǧana jazu emes, būl bızdıŋ qalaǧa, tabiǧatqa jäne bolaşaqqa degen közqarasymyzdyŋ belgısı. Qalanyŋ tazalyǧy är adamnan bastalady, eŋ bastysy — qoqys tastamau ädetın qalyptastyru, — dedı käsıpker.
Abai audanynyŋ jastary tūrǧyndardy köşelerdıŋ tazalyǧyn saqtauǧa, qorşaǧan ortaǧa ūqypty qarauǧa jäne eldıŋ ortaq bolaşaǧy üşın är adamnyŋ ülesı maŋyzdy ekenın ūmytpauǧa şaqyrdy.
