Qostanai qalasynda jalpy audany 43,8 gektar bolatyn saiabaq aimaǧyn paidalanuǧa beru josparlanuda. Joba Memleket basşysynyŋ eko-parkter qūru jönındegı tapsyrmasy aiasynda jüzege asyryluda.
Sonymen qatar, oblys ortalyǧyndaǧy Triatlon parkte jaŋa köpfunksionaldy stadionnyŋ qūrylysy jürgızılude. Būl qaladaǧy ırı demalys aimaqtarynyŋ bırın qalyptastyruǧa mümkındık beredı. Bügın atalǧan sport keşenınıŋ alǧaşqy kırpışın qalau räsımı öttı.
«Taza Qazaqstan» respublikalyq ekologiialyq aksiiasy aiasynda Qostanai oblysynyŋ äkımı Qūmar Aqsaqalovqa öŋırdıŋ bırqatar auqymdy jobalary tanystyryldy.
Qazırgı uaqytta orman-saiabaq aimaǧynyŋ eskizdık jobasy äzırlenıp, kelısılgen. Aumaǧynda belsendı demalysqa arnalǧan infraqūrylym qarastyrylǧan: ūzyndyǧy 2,5 km jügıru jäne velojol, futbol jäne voleibol alaŋdary, balalar oiyn alaŋy, zamanaui vorkaut-aimaq. Sondai-aq «Astana» jaŋa şaǧyn audany arqyly ötetın jerasty ötkelı közdelgen.
«Aimaq tūrǧyndary üşın demalys oryndary köp boluy qajet. Biyl öŋırde 77,3 myŋ köşet otyrǧyzu josparlanǧan, jūmystar mamyr aiynda belsendı bastalady. Sonymen qatar 37 köpqabatty tūrǧyn üidıŋ qasbetterın jöndeu, 31 balalar alaŋyn salu jäne eskı, apatty üilerdı būzu közdelgen», – dedı öŋır basşysy.
Sport salasyn damytu maqsatynda oblys ortalyǧynda zamanaui köpfunksionaldy stadion salu jobasy ıske asyryluda. Nysanda futbol alaŋy, voleibol jäne basketbol alaŋdary, bes jügıru jolaǧy, jeŋıl atletikalyq iadro jäne sekıru aimaǧy qarastyrylǧan.
Jobany ıske asyru barlyq sanattaǧy azamattarǧa sportpen şūǧyldanu mümkındıgın keŋeitıp, qolaily qalalyq orta qalyptastyruǧa jäne qalanyŋ tartymdylyǧyn arttyruǧa mümkındık beredı.
«Taza Qazaqstan» baǧdarlamasyn ıske asyru aiasynda oblysta 2024 jyldan berı 400-den astam qoǧamdyq keŋıstık abattandyrylyp, 250-den astam balalar jäne sport alaŋy ornatyldy, 600-ge juyq zaŋsyz qoqys orny joiyldy, 1250-den astam qarausyz eskı ǧimarat būzyldy, 277 myŋnan astam aǧaş pen köşet otyrǧyzyldy.
«2024 jyly men kez kelgen bos aumaqtarda şaǧyn saiabaqtar men skverler salu jönınde tapsyrma bergen edım. Osy baǧytta jüielı jūmys jürgızıp jatqan öŋırler bar», – dedı Qūmar Aqsaqalov.
Soŋǧy üş jylda oblys boiynşa 94 park pen skver salynyp, abattandyryldy, 420 balalar men sport alaŋy ornatyldy. Sondai-aq 200-den astam köpqabatty tūrǧyn üidıŋ qasbetı jöndeldı.
«Taza Qazaqstan» baǧdarlamasy aiasynda 1000-nan astam eskı ǧimarat būzylyp, 39 myŋnan astam jaryq şam ornatyldy. Köşenı jaryqtandyru deŋgeiı 2023 jyldan berı 82%-dan 94%-ǧa deiın östı.
Eldı mekenderdı kögaldandyru baǧytynda da oŋ jūmystar baiqalady. Aimaqty kögaldandyru josparyna säikes 374 myŋ jasyl jelek otyrǧyzylǧan. 2025 jyly 105,4 myŋ köşet otyrǧyzu josparlansa, ıs jüzınde 143,9 myŋ köşet otyrǧyzyldy, 136,5%-ǧa oryndalǧan.
