Bügın Ūlytau oblysynda ūlttyq ekologiialyq bastama – «Taza Qazaqstan» aksiiasy aiasynda jappai senbılıkter ūiymdastyryldy. Is-şaranyŋ maqsaty – tūrǧyndardy qorşaǧan ortany qorǧauǧa şaqyru, ekologiialyq mädeniettı arttyru jäne tuǧan ölkege qamqorlyq jasaudy dästürge ainaldyru.
Aksiia oblystyŋ barlyq qalalary men audandarynda öttı:
Jezqazǧan qalasynda «Taza qala» aksiiasy jastar, erıktıler men qala tūrǧyndarynyŋ qatysuymen Alaşahan daŋǧyly boiynda ūiymdastyrylyp, ortalyq köşelerı tazalandy.
Sätbaev qalasynda «Aialy Jer - Taza Jer» atty ıs-şara Sporttyq-sauyqtyru keşenınde ötıp, tūrǧyndarmen qatar qoǧamdyq ūiym ökılderı ekologiialyq mädeniettı nasihattady.
Qarajal qalasy men Jäirem kentınde aqsaqaldar keŋesı, mäslihat deputattary men jastardyŋ belsendı qatysuymen saiabaqtar men demalys oryndary tazartyldy.
Jaŋaarqa audanynda «Taza audan» aksiiasy aiasynda ortalyq alaŋ men qoǧamdyq oryndarda senbılık öttı.
Ūlytau audanynda, Embūlaq öŋırınde jastar resurstyq ortalyǧy ūiymdastyrǧan tazalyq şarasyna auyl tūrǧyndary men belsendı jastar qatysty.
Aksiiaǧa memlekettık organdar ökılderımen qatar, blogerler, qoǧamdyq ūiym müşelerı, jastar jäne erıktıler qatysty. Sondai-aq, oblystyq jäne respublikalyq BAQ ökılderı aqparattyq qoldau körsettı.
«Taza Qazaqstan» respublikalyq aksiiasy aiasynda 2025 jyldyŋ basynan berı 7 oblystyq jäne 8 qalalyq senbılık ötkızıldı. Būǧan qosa, apta saiyn qala men audandarda «Taza beisenbı» şarasy ötkızılıp keledı.
2025 jyldyŋ basynan bastap «Taza Qazaqstan» aksiiasyna 44 myŋnan astam adam qatysty. Sondai-aq 870 arnaiy tehnika bırlıgı jūmyldyrylyp, 3520 tonna qoqys şyǧaryldy.
