Qostanai oblysynyŋ äkımı Qūmar Aqsaqalov Qazaqstannyŋ jaŋa Konstitusiiasynyŋ zaŋdy küşıne enuıne bailanysty qostanailyqtarǧa qūttyqtau joldady.
Öŋır basşysy öz ündeuınde jaŋa Ata Zaŋnyŋ el damuynyŋ jaŋa kezeŋın aiqyndaityn maŋyzdy qūjat ekenın atap öttı. Onyŋ aituynşa, Konstitusiia bükılhalyqtyq referendum nätijesınde qabyldanyp, azamattardyŋ erık-jıgerın aiqyn körsettı.
«Jaŋa Konstitusiianyŋ zaŋdy küşıne enuı – ūlt taǧdyryna tıkelei äser etetın tarihi oqiǧa. Sondyqtan Konstitusiiamyzdy halyqtyq dep atauǧa tolyq negız bar», – dedı Qūmar Aqsaqalov.
Sondai-aq oblys äkımı elımızde jüzege asyrylyp jatqan bastamalar qoǧamda jaŋa qūndylyqtar men mädeni ūstanymdardyŋ qalyptasuyna yqpal etıp otyrǧanyn jetkızdı.
Qūmar Aqsaqalov jaŋa Ata Zaŋnyŋ eldıŋ odan ärı damuyna, azamattardyŋ qūqyqtary men mümkındıkterın keŋeituge qyzmet etetınıne senım bıldırıp, qostanailyqtardy aituly künmen qūttyqtady.
