Almatyda belgılı qoǧam qairatkerlerı, mädeniet, ǧylym, bılım jäne sport salasynyŋ körnektı ökılderı aldaǧy referendumǧa qatysty öz ūstanymyn bıldırıp, ony el bolaşaǧyna tıkelei yqpal etetın tarihi oqiǧa dep baǧalady. Olardyŋ pıkırınşe, būl – jai ǧana saiasi räsım emes, täuelsız Qazaqstannyŋ damuyndaǧy maŋyzdy kezeŋ.
Mäselen, Halyq qaharmany Sät Toqpaqbaev adam qūqyǧynyŋ üstemdıgı memlekettıŋ qūqyqtyq negızın nyǧaitatynyn atap öttı. Al memleket jäne qoǧam qairatkerı Nūrlan Orazalin qūjattyŋ strategiialyq maŋyzyna toqtaldy.
Almaty ziialylary ūsynylyp otyrǧan özgerısterdıŋ äleumettık sipatyna erekşe nazar audardy. Olardyŋ aituynşa, qūjat mazmūny jaǧynan tüsınıktı bolyp, adam müddesıne jaqyndai tüsken.
«Jaŋa Konstitusiiamyzdyŋ äleumettık baǧyty aiqyndalyp, ol halyqqa jaqyndai tüstı», – dedı Qazaqstannyŋ halyq jazuşysy Smaǧūl Elubai.
Qazaqstannyŋ eŋbek sıŋırgen qairatkerı Azamat Satybaldy jaŋa Konstitusiia eldıŋ ūzaqmerzımdı damu baǧytyn aiqyndaityn negızgı qūjat ekenın aitty.
«Erekşe atap ötetın jait – Konstitusiia tūŋǧyş ret memlekettık tılde jazyldy», – dedı ol.
Aldaǧy referendumnyŋ maŋyzyn öner qairatkerlerı de erekşe atap öttı. Qazaqstannyŋ halyq ärtısı Roza Rymbaeva azamattardy dauys beruge qatysuǧa şaqyrdy.
«15 nauryz – elımız üşın maŋyzdy kün. Kelıp, öz taŋdauyŋyzdy jasaŋyzdar», – dedı änşı.
Sondai-aq jaŋa Konstitusiia jobasynyŋ negızgı tūstaryna qatysty Jan Baijanbaev, Gülnar Dosmatova, Azamat Satybaldy, Qaragöz Süleimenova, Şynar Asqarova, Nazym Qyzaibai, Täuekel Müsılım jäne basqa da tanymal tūlǧalar pıkır bıldırdı.
