قوستاناي وبلىسىنداعى وڭىرلىك جوبالىق كەڭسە جالپى سوماسى 55 ملرد. تەڭگەگە 267 جوبانى ازىرلەۋدى قولعا الدى. 203 جوبا قارجىلاندىرۋعا يە بولدى، تاعى 215 جوبا ماقۇلداندى.
- جوبالاردىڭ باسىم بولىگى اوك سالاسىندا ماقۇلداندى (78,1%). ەكىنشى ورىندا تاماق ونەركاسىبى نەمەسە اوك قايتا وڭدەۋ سالاسىنداعى جوبالار، ولار 13,5%-دى قۇرايدى. ەسەپتى كەزەڭدە ەكىنشى دەڭگەيلى بانكتەر 30,8 ملرد تەڭگە سوماعا 66 جوبانى، "اگرارلىق نەسيە كورپوراتسياسى" اق – 149 جوبانى (6,1 ملرد تەڭگە) ماقۇلدادى، – دەپ حابارلادى قوستاناي وبلىسى كاسىپكەرلەر پالاتاسىنىڭ ديرەكتورى مۇرات ابەنوۆ."قاراپايىم زاتتار ەكونوميكاسى" - باسىم جوبالارعا جەڭىلدىكپەن كرەديت بەرەتىن باعدارلاما. 2018 جىلىى جەلتوقساندا قابىلداندى. ونىڭ نەگىزگى مىندەتى - يمپورتتىق الەۋمەتتىك ماڭىزى بار ازىق-تۇلىك تاۋارلارىن جەرگىلىكتى تاۋارلارعا اۋىستىرۋ. قازىرگى ۋاقىتتا باسىم جوبالارعا كرەديت بەرۋگە ارنالعان تاۋارلار تىزبەسىنە قىزمەتتىڭ 140 ءتۇرى بويىنشا 1500-گە جۋىق اتاۋ كىرەدى.
ۇقساس جاڭالىقتار
